web counter
LEXO PA REKLAMA!

SHKARKO APP

App Store
Google Play

E fundit!

x

Lidhjet e Ramës me ish-zyrtarin e FBI-së/ Berisha kërkon ngritjen e Komisionit Hetimor Parlamentar

24 Janar 2023, 12:43, Politikë CNA
Lidhjet e Ramës me ish-zyrtarin e FBI-së/ Berisha kërkon ngritjen
Kryetari i PD-së, Sali Berisha

Kryetari i PD-së, Sali Berisha, gjatë një deklarate për mediat, ka publikuar një audio dhe hedh akuza ndaj kryeministrit Edi Rama për lidhjet me ish-zyrtarin e lartë të FBI-së, Charles McGonigal.

“Edi Rama përdori ish-oficerin e policisë sekrete për hetime kundër opozitës në Nju Jork.

Dokumentet e Ministrisë së Drejtësisë faktojnë se nga zyra e kryeministrit, Agron Nezës iu dhanë të dhëna konkrete për qytetarë amerikanë që lobonin për opozitën. Këto u vunë në survejim nga aseti i burimeve ruse, McGonigal.

Edi Rama ka biseduar me McGonigal për investime ruse në Shqipëri, sipas të dhënave publike. Se imagjinoni se çfarë ka dosja në fshehtësi.

Nuk them se u takuan në Davos, por ai po kthehej në Europë. Ka rëndësi se Edi Rama, kur e denoncova në parlament këtë lidhje ruse të Edi Ramës, këtë lidhje me një aset të rrezikshëm, Edi Rama reagoi si vijon: Jam krenar me miqësinë që kam me të!”, ka thënë Berisha.

Ndër të tjera, Berisha ka kërkuar ngritjen e Komisionit Hetimor Parlamentar për të hetuar lidhjet e Ramës, Duçkës dhe Nezës, për këtë aferë agjenturore, mafioze, sipas kreut të PD-së.

“Por ajo që PD do merret, lidhjet obskure të Edi Ramës, Dorian Duçkës, Agron Nezës, në këtë aferë të gjithanshme agjenturore, mafioze, të shumëllojshme.

Në një vend ku ka drejtësi, natyrisht krijohet një grup menjëherë, hetimor, dhe vendosen lidhje të menjëhershme me vendet partnere për një hetim. Kjo nuk ndodh.

SKAP-i i partisë është i betuar se nuk mund të hetojë kurrë partinë e tij.

Atëherë ne do ngremë një komision hetimor parlamentar. Do vendosim lidhje me Kongresin e SHBA-së. Do japim kontributin më të madh për hetimin e kësaj afere, e cila shëtit si re e zezë mbi qiellin e Shqipërisë dhe më gjerë.

Edhe njëherë, dënoj këtë bashkëpunim mafioz agjenturor me zyrtarin më të lartë të arrestuar ndonjëherë të FBI-së me lidhje ruse.

Shqiptarët duhet ta kenë të qartë se kryeministri i tyre është në hetim të përgjithshëm nga jo një, por disa vende”, është shprehur më tej Berisha./CNA.al





Lajmet e fundit nga