web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i ish-zyrtarit të FBI-së/ Rama: S’ka lidhje me mua, po më bën gjyq “Big Brotheri” i politikës

24 Janar 2023, 16:32, Politikë CNA

Arrestimi i ish-zyrtarit të FBI-së/ Rama: S’ka lidhje me mua, po

Kryeministri Edi Rama ka reaguar për arrestimin e ish-zyrtarit të FBI-së, Charles McGonigal, dhe për akuzat e ngritura ndaj tij nga opozita.

Me anë të një statusi në rrjetet sociale, Rama deklaron se gjërat për të cilat akuzohet ish-zyrtari i FBI-së nuk kanë lidhje me të.

Kryeministri deklaron se teksa hetimet për McGonigal po bëhen në Amerikë, në Shqipëri “Big Brotheri” i politikës, kanaleve e portaleve po i bën gjyqin.

“Akuzohet në Amerikë një zyrtar i FBI për gjëra që s’kanë as edhe një lidhje me mua (se po të kishin do t’i kishte nxjerrë hetimi i atyre që nuk manipulojnë prova e as kursejnë fajtorë) dhe në Shqipëri fillon gjyqi ndaj meje në Big Brotherin e politikës, kanaleve e portaleve!

Jam mësuar, po së fundmi kam vendosur të mos merrem më me nxjerrjen e çdo guri që hidhet përditë në lumë nga protagonistët e sojsojshëm të këtij Big Brotheri pambarim! Më pak fjalë dhe akoma më shumë punë e kontakte me njerëzit që kanë punë për të bërë apo punë për të zgjidhur.

Duhen kuptuar edhe ata që s’dinë të bëjnë asgjë tjetër, ashtu siç duhen kuptuar edhe ata që s’duan të besojnë asgjë tjetër përveç asaj që duan medoemos të besojnë”, shkruan kreu i qeverisë./ B.A. – CNA.al





Lajmet e fundit nga