LEXO PA REKLAMA!

SHKARKO APP

Familjarët e opozitës, që i shërbejnë Qeverisë/ Si u implikuan i afërmi i Metës dhe Mustafajt në skandalin me ish-agjentin e FBI-së

25 Janar 2023, 12:11, Politikë CNA

Familjarët e opozitës, që i shërbejnë Qeverisë/ Si

Ish-zyrtari i lartë i kundërzbulimit të FBI-së, Charles McGonigal, i arrestuar tashmë, raportohet se ka fshehur të dhënat në lidhje me një pagesë prej qindra mijëra eurosh të marra nga një ish-punonjës i inteligjencës shqiptare.

Sipas aktpadisë, lidhjet e tij kryesore me Shqipërinë janë mbajtur përmes ish-zyrtarit shqiptar të shërbimeve sekrete, që në aktakuzë identifikohet si personi A.

Ky person ka paguar edhe për shpenzimet e tij të udhëtimit në Shqipëri. I përfshirë në këtë aferë është edhe një tjetër i cilësuar si personi B.

Shqiptarët që identifikohen si personi A dhe personi B, thuhet se janë Dorian Muçka dhe Arben Neza.

Sipas dokumentit të akuzës, të publikuar nga VOA, gjatë një udhëtimi në Shqipëri në vitin 2017, “më 9 shtator i pandehuri McGonigal u takua me kryeministrin shqiptar [Edi Rama] dhe me personin B [Dorian Duçka].

 

Familjarët e opozitës, që i shërbejnë Qeverisë/ Si
Dorian Duçka

 

Me kërkesë të personit A [Agron Neza] ai i bëri thirrje kryeminisrit të kishte kujdes dhe të mos i jepte licenca për kërkime nafte në Shqipëri një kompanie ruse guackë.

Personat A dhe B kishin interesa financiarë nga vendimi i qeverisë shqiptare. I pandehuri McGonigal i dha kryeministrit një suvenir të FBI-së në prani të personit B”.

Kush janë Dorian Duçka dhe Arben Nezaj

McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare.

Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI, që të nisë hetimin për personin, që po lobonte në SHBA për PD-në, në vitin 2017 kur drejtohej nga Lulzim Basha.

Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI-ja.

Duçka dhe Nezaj, sipas dosjes së publikuar nga mediat e huaja, shfaqen në shërbim të Qeverisë, janë familjarë opozitarë.

Dorian Duçka është familjar i kreut të PL-së, Ilir Meta, ndërsa Arben Nezaj, është familjar i Besnik Mustafajt.

Familjarët e opozitës, që i shërbejnë Qeverisë/ Si
Ilir Meta (j), kreu i PL-së

Në fis janë me opozitën, ndërsa për shërbime janë me qeverinë.

Arben Nezaj ai afërmi i Besnik Mustafajt, lakohet në dosje si biznesmeni politikan.

Familjarët e opozitës, që i shërbejnë Qeverisë/ Si
Besnik Mustafaj

Ndërsa Duçka, përveçse si familjar i Ilir Metës, ka një profil më të njohur.

Ai ka shërbyer ish-zv/ministër i Industrisë dhe Energjisë në periudhën 2013-2015 në qeverinë Rama-Meta.

Më pas ai ka kaluar në sektorin privat ndërkombëtar duke shërbyer si këshilltar i jashtëm për Investimet për Kryeministrin Rama që prej vitit 2016, sipas 'woldpolicyconference'.

Duçka ka mbajtur një post edhe gjatë qeverisjes Berisha-Meta si Drejtor i Integrimit Europian në ministrinë e Ekonomisë, Tregtisë dhe Energjisë (2009-2013). Ai ka pasur një përvojë pune edhe me TAP-in, si Drejtor i Njësisë së Menaxhimit të Projekteve./CNA.al

Lajmet e fundit nga