LEXO PA REKLAMA!

SHKARKO APP

Ish-zyrtari i FBI-së, nën akuzë për para dhe takime të padeklaruara me Ramën?/ PS ia hedh fajin Berishës

25 Janar 2023, 10:34, Politikë CNA

Ish-zyrtari i FBI-së, nën akuzë për para dhe takime të

Detaje të reja kanë dalë nga hetimi i ish-zyrtarit të lartë të kundërzbulimit të FBI-së, Charles McGonigal, i arrestuar të shtunën nga autoritetet amerikane.

Ndër të tjera ai akuzohet se ka marrë 225 mijë dollarë nga një ish-punonjës i shërbimeve sekrete të Shqipërisë dhe ka zhvilluar një sërë takimesh me biznesmenë dhe politikanë në Shqipëri, Kosovë dhe Bosnje, por pa i raportuar ato sipas rregullave.

Sekretari i Përgjithshëm i Partisë Socialiste, Damian Gjiknuri, është pyetur për këtë çështje, ku thuhet se emri i kryeministrit Edi Rama, lakohet në aktakuzë.

Gjiknuri ka nxituar të thotë se këto janë përralla që bëhen për të heshtur provat e reja për 21 Janarin.

“Agjenti i FBI-së po hetohet nga drejtësia amerikane. Ky lajm ka rëndësi për SHBA-në dhe jo me gjërat e Shqipërisë. Mos i bëni historitë qesharake siç i bën Berisha.

Mos të ngatërrojmë dosjen e provuar të Nik Muzinë me çështjet e tjera të montuara”, ka thënë Gjiknuri.

Sipas Gjiknurit, s’mund të bëhet fajtor kryeministri që ka takuar një zyrtar të lartë të FBI-së, kur çdo zyrtar i lartë do ta takonte.

“Nisur nga faktet dhe çfarë kemi lexuar në atë dokument, i cili i thotë të gjitha. Së pari, kjo është një tymnajë e ngritur nga opozita për të sfumuar faktet e reja që kanë dalë në lidhje me 21 Janarin. Ngrihet një problem tjetër që gjoja ka më shumë rëndësi se vrasja e qytetarëve të pafajshëm. Së dyti, mendoj se drejtësia amerikane e ka zbardhur atë çështje.

Zyrtari në fjalë ka qenë njeri shumë i rëndësishëm, akuzohet për lidhje të tij me pagesa të një oligarku rus dhe nuk ka lidhje me ngjarjet e Shqipërisë, takimet që përmenden nuk faktojnë krime të kryera nga autoritetet shqiptare, përkundrazi ka pasur thyerje etike nga ana e tij për mospërmendjen e takimeve. Sa i takon Nik Muzinës, rasti i tij i është nënshtruar drejtësisë amerikane dhe askush s'e ka hedhur poshtë që paratë e marra nga zotëria në fjalë kanë origjinë ruse.

Në vetvete problemi ka të bëjë se sa drejt e ka zbatuar detyrën një zyrtar i lartë amerikan në lidhje me interesat e SHBA-së. Këtu s’mund të bësh fajtor kryeministrin që ka takuar një zyrtar të lartë të FBI-së, kur çdo zyrtar i lartë do ta takonte. Mos të ngatërrojmë dosjen e provuar të Muzinës, me çështje të tjera. Ky lajm ka rëndësi për Amerikën dhe jo për Shqipërinë”, u shpreh Damian Gjiknuri./CNA.al

Lajmet e fundit nga