web counter
LEXO PA REKLAMA!

SHKARKO APP

App Store
Google Play

Skandali me ish-zyrtarin e FBI-së/ Meta, i tregon SPAK-ut si të bëjë punën

26 Janar 2023, 18:11, Politikë CNA

Skandali me ish-zyrtarin e FBI-së/ Meta, i tregon SPAK-ut si të

Kryetari i Partisë së Lirisë, Ilir Meta, ka reaguar sërish për skandalin me ish-zyrtarin e arrestuar të FBI-së, Charles McGonigal.

Me anë të një statusi në rrjetet sociale, Meta kërkon që SPAK të nisë hetime të thelluara për lidhjet e McGonigal me shqiptarët.

Ai deklaron se SPAK duhet të vendosë një komunikim intensiv, serioz dhe shumë të ngushtë me institucionet e drejtësisë amerikane për të zbardhur deri në fund këtë skandal.

“Përballë fakteve shokuese, që zbulohen çdo ditë, drejtësia shqiptare duhet të nisë urgjentisht hetimet për Kryeministrin e implikuar drejtpërdrejt në aferën shumë të rëndë korruptive shtetërore “Mc Gonigal”.

SPAK duhet të kishte nisur me kohë hetimet shumë të thelluara përballë këtij skandali, që e ka shndërruar institucionin e Kryeministrit në një çerdhe korrupsioni, manipulimi dhe trafikimi mafioz të influencave duke korruptuar edhe zyrtarë të lartë si Mc Gonigal.

SPAK duhet të vendosë një komunikim intensiv, serioz dhe shumë të ngushtë me institucionet e drejtësisë amerikane për të zbardhur deri në fund këtë skandal kaq të rëndë, në dritën e provave të pakundërshtueshme të zbuluara nga drejtësia amerikane.

Ky komunikim i SPAK me drejtësinë amerikane me qëllim zbardhjen e veprimtarisë antishterore dhe korruptive të Edi Ramës është një detyrim ligjor i pashmangshëm për të.

Çdo përpjekje e Edi Ramës për t’ju shmangur përballjes me të vërtetën, përfshirë edhe hetimin parlamentar, për këtë aferë skandaloze korrupsioni është një konfirmim i fajësisë së tij dhe tentativë e dëshpëruar për t'ju fshehur llogaridhënies së pashmangshme.

Asnjë shqiptar nuk mund të pranojë kurrë që të ketë një Kryeministër, zyra e të cilit është e inkriminuar deri në grykë me veprimtari të paligjshme në dëm të interesave më të larta të Shqipërisë dhe të shqiptarëve”, shkruan kreu i PL-së./ B.A. – CNA.al





Lajmet e fundit nga