Shkëlzen Berisha, në SPAK/ Kreu i PD: Përpjekje për të hequr vëmendjen nga skandali me McGonigal

26 Janar 2023, 21:35, Politikë CNA

Shkëlzen Berisha, në SPAK/ Kreu i PD: Përpjekje për të

Kreu i Partisë Demokratike, Sali Berisha

Kreu i Partisë Demokratike, Sali Berisha, ka folur mbrëmjen e sotme për thirrjen dhe paraqitjen e Shkëlzen Berishës në SPAK, në lidhje me dosjen “Gërdeci”.

Berisha tha në emisionin “Open” se thirrja e Shkëlzen Berishës ishte përpjekje për të larguar vëmendjen nga skandali me Charles McGonigal, ish-zyrtarin e arrestuar të FBI-së.

Përsa i përket akuzave ndaj djali të tij për çështjen e Gërdecit, Berisha deklaroi se po bëhet një skemë manipulimi me dokumenta të falsifikuara.

“Të jem i sinqertë, e kam marrë vesh nga mediat që djali im është thirrur në Prokurori. Këtë nuk më kishte thënë që sot ishte i thirrur në SPAK. Problemi është i tillë, ekziston një faks, që origjinali nuk është gjetur kurrë, i dërguar nga MD në MB, ku shkruhet se kjo t’i jepet Shkëlzenit, jo Shkëlzen Berishës, por Shkëlzenit. Kjo është servirur si shkrim i Aldo Bumçit, dhe kjo ka ndodhur një javë pasi MD kishte dërguar shkresën zyrtare për problemin, siç është ligji. Tani, çfarë ishte kjo?! Kjo ishte sikur nga MD i drejtohej djalit tim në MB, me të cilën ai nuk kishte asnjë lidhje. Bumçi s’e kishte shkruar kurrë këtë shënim. Ai mori dhe e paditi në prokurori si falsifikim të shkrimit të tij. Padi që prokuroria nuk u mor kurrë. Aldo Bumçi e mohon dhe ka hapur padi për këtë faks, në të cilin i falsifikohet firma. Prokuroria në vend që të hetojë, nuk ka hetuar deri sot dhe thërret Shkëlzenin pas 15 vitesh. Duhet hetuar, por hetimi i parë është për ish0ministrin që deklaron se më kanë falsifikuar shkrimin.

Kjo nuk është bërë sepse nuk u interesonte sepse del që është falsifikim. I gjithë problemi është një person x bën një faks. Sekretarja ka bërë dëshminë e saj në gjykatë. Nëse sekretarja shprehet në emër të ministrit, dhe është në skemë manipulimi, por unë nuk e akuzoj dot, sepse ajo thotë që nuk e ka bërë këtë. Është thjeshtë një thirrje që i kanë bërë për të mundur superskandalin e Rama-McGonigal. E gjitha kaq! Ai është SKAP i partisë, por prokuroria duhet të thërrasë cilindo që i duhet. Kjo është thirrje politike e mirëfilltë. Edhe nëse e do kush e ka falsifikuar nuk do ta thoja, sepse është çështje kriminaliste, i përket laboratorit të kriminalistikës", theksoi ai./ B.A. - CNA.al