LEXO PA REKLAMA!

SHKARKO APP

Spahiu i "tërheq veshin" prokurorisë/ “Të fillojë procedimin penal për çështjen “McGonigal”

30 Janar 2023, 22:48, Aktualitet CNA

Spahiu i "tërheq veshin" prokurorisë/ “Të

Analisti Kreshnik Spahiu tha se prokuroria ka për detyrim të fillojë procedimin penal ndaj kryeministrit Edi Rama si një person i përfshirë në çështjen “McGonigal”.

Në një intervistë për gazetaren Erla Mëhilli, ai tha se prokuroria duhet të hetojë nëse ka ka elementë të veprës penale dhe të përcaktohen kush janë subjektet që duhet vënë në hetim.

“Ka një aktakuzë të miratuar nga një juri e madhe e gjykate amerikane që ka përfunduar hetimet, ku përmendet kryeministri i vendit, por edhe marrëdhënie që janë kryer në Shqipëri.

Është detyrë e prokurorisë, ku vendimi i një gjykate të huaj, shprehet se janë kryer marrëdhënie të caktuara, të jashtëligjshme në vendin tënd, prokuroria ka detyrimin të fillojë procedimin penal dhe me themel për të provuar nëse ka elementë të veprës penale. Nëse ka vepër penale, të përcaktohen kush janë subjektet që duhet vënë në hetim”, theksoi ai./ CNA.al

 

Lajmet e fundit nga