web counter
LEXO PA REKLAMA!

SHKARKO APP

App Store
Google Play

Kishte dyshime se donte ta vriste Meta/ Gazetari: Tom Doshi i kërkoi ndihmë ish-zyrtarit të FBI

30 Janar 2023, 22:02, Aktualitet CNA
Kishte dyshime se donte ta vriste Meta/ Gazetari: Tom Doshi i kërkoi
Kreu i PSD-së, Tom Doshi

Gazetari Artan Hoxha, ka bërë një deklaratë të fortë mbrëmjen e sotme, teksa ka folur për skandalin me ish-zyrtarin e FBI-së, Charles McGonigal.

Hoxha tha në një intervistë me Ylli Rakipin se Tom Doshi ka zhvilluar një takim në Vjenë me ish-zyrtarin e FBI-së, në vitin 2017.

Sipas tij, ai i ka kërkuar ndihmë McGonigal për të hetuar nëse Ilir Meta donte ta vriste.

Ai theksoi se pretendimet e Doshit nuk u hetuan asokohe, pasi Ilir Meta kishte ndikim mbi ish-kryeprokurorin Adriatik Llalla.

“Në shtator 2017, një biznesmen dhe politikan i tha (Charles McGonigal) që kanë dashur të më bëjnë atentat. Është rasti i zotit Tom Doshi, që ishte i bindur se kishte patur një atentat ndaj tij. Autoritetet nuk e hetuan këtë në Shqipëri. Ai gjeti mundësi dhe kërkoi ndihmën e FBI.

Thuhej se Zoti Meta ndikonte te zoti Llalla, ish kryeprokuror dhe nuk u hetua, por u hetua personi që bëri kallëzimin. Më mbrapa në nëntor, u bë takimi i Vjenës, ku zoti Doshi ka qenë bashkë me këta (McGonigal dhe Neza) dhe ka qenë edhe një prokuror federal. Personi në fjalë (Tom Doshi) nuk kishte besim në autoritetet brenda vendit dhe kërkoi ndihmë të specializuar jashtë. I ka kërkuar ndihmë një zyrtari të FBI për ta ndihmuar. Prandaj e ka bërë këtë takim”, nënvizoi gazetari./ B.A. – CNA.al





Lajmet e fundit nga