LEXO PA REKLAMA!

SHKARKO APP

“Grupet kriminale po zhdukin provat”/ Karamuço tregon gabimet e policisë në çmontimin e kamerave

30 Janar 2023, 21:27, Aktualitet CNA
“Grupet kriminale po zhdukin provat”/ Karamuço tregon gabimet
Eksperti i kriminalistikës, Ervin Karamuço

Eksperti i kriminalistikës, Ervin Karamuço, ka treguar gabimet e policisë, në aksionin për gjetjen e çmontimin e kamerave të krimit.

Në një dalje televizive, Karamuço tha se operacioni duhet të ishte i fshehtë, pasi shtrirja kohore i jep mundësi grupeve kriminale të zhdukin provat, duke prerë fijet.

Sipas tij, kjo do ta bëjë më të vështiorë punën e policisë për të identifikuar personat që i kanë vendosur këto kamera dhe për të kapur personat në kërkim.

“Operacioni duhet të ishte i fshehtë dhe kamerat nuk kanë ende një pronar nuk dihet ku eshtë IT ose serveri, ne ende nuk kemi identifikuar persona konkretë.

Fakti që nuk ka shtrirje të një kohshme i jep kohë grupeve kriminale që kanë vendosur këto kamera. Në momentin që heqim kamerat, ne zhdukim dhe provat për të ditur se kush i ka vendosur.

Me të filluar operacioni, shumë kamera janë dëmtuar dhe disa janë hequr, pasi nuk duan të përballen, autorët rrezikojnë 2 vjet burg. Ata kanë shpejtuar të presin fijet që mos zbulohen.

Policia duhet të ishte futur në servera. Siç na ka ndodhur në vende të tjera, janë hakeruar kamerat të cilat mund të ndihmonin në kapjen e personave në kërkim. Disa prej kamerave janë vendosur për atentate, këto janë të dokumentura, ata kanë parë lëvizjet e tyre dhe i kanë vrarë.

Ne nuk dimë serverat, një është në Gjermani, një në Vlorë dhe një në Durrës. Tashmë policia duhet ta ketë të vështirë të kapë personat në kërkim, këta të fundit do të vazhdojnë të shohin dhe me drone, pasi kanë mundësinë për blerjen e tyre”, theksoi eksperti./ B.A. – CNA.al

Lajmet e fundit nga