LEXO PA REKLAMA!

SHKARKO APP

“Ish-zyrtari i merrte para biznesmenëve”/ Tomorri: Charles i FBI-së, si rrobaqepësi i Andersenit

30 Janar 2023, 21:08, Aktualitet CNA
“Ish-zyrtari i merrte para biznesmenëve”/ Tomorri: Charles i
Gazetari Klodian Tomorri

“Ora News” publikoi ditën e sotme një lajm ku ngrinte akuza mbi biznesmenin Shefqet Kastrati, se ky i fundit kishte paguar ish-zyrtarin e FBI-së, Charles McGonigal për të shpëtuar nga shpallja “non-grata”.

Por vetëm pak pasi ky lajm ishte publikuar, media e konfinskuar e Ylli Ndroqit apo Xhemail Pasmaçiut, reagoi duke e fshirë atë.

Lidhur me këtë lajm të fshirë, ka ardhur një reagim edhe nga gazetari Klodian Tomorri, i cili pretendon se e vërteta është që McGonigal ka marrë para edhe nga shumë biznesmenë e politikanë të tjerë shqiptarë.

Sipas tij, një politikani të rëndësishëm në një qytet afër Tiranës ish-zyrtari i FBI-së i mori miliona duke i premtuar se do t’i hiqte damkën tek Departamenti i Shtetit.

“Ish-zyrtari i merrte para biznesmenëve”/ Tomorri: Charles i
Lajmi i fshirë i "Ora News"

“Charli i FBI-së, si rrobaqepësi i Andersenit

Ora News publikoi vetëm për pak minuta një lajm se Carli i FBI-së ka marrë miliona euro nga biznesmeni më i madh i vendit. Në fakt, e vërteta nuk është vetëm aq. Nuk është vetëm njëri. Janë dhe shumë të tjerë, biznesmenë dhe politikanë, që e hëngrën kollaren. Carli ngriti në Shqipëri sistemin më të bukur të gjobëvënies, që ka parë ndonjëherë historia e njerëzimit. I griu të gjithë.

Të parët që e hëngrën kollaren e Carlit, ishin biznesmenët, të cilët nuk marrin dot viza për në SHBA. Për shkak se në këtë kategori hyjnë praktikisht të gjithë biznesmenët më të mëdhenj të Shqipërisë, Carli nuhati një mundësi të artë. Këta i këputi të gjithë me premtimin se do u nxirrte viza dhe do u rregullonte marrëdhëniet me SHBA-në.

Shoku më i ngushtë i Carlit këtu ishte djali i një prej biznesmenëve më të fuqishëm të vendit, i cili thoshte sa shumë e do Carli djalin tim. Nejse. Pasi palosi biznesmenët, filloi me politikanët.

Një politikani të rëndësishëm në një qytet afër Tiranës i mori miliona duke i premtuar se do t’i hiqte damkën tek Departamenti i Shtetit. Të tjerëve, që nuk i kishin punët mirë me SHBA-të, u ka marrë lekë duke u premtuar se do t’i rehabilitonte. Të tjerëve akoma, u ka marrë lekë duke u premtuar se do u siguronte vizita dhe takime të rëndësishme në SHBA.

Njësoj si tek përralla e Andersenit me rrobat e mbretit. Carli ja u qepi kostumin të gjithë këtyre. Dhe i nxori të gjithë lakuriq si lolo. Ja, kjo është elita e Shqipërisë”, shkruan gazetari./ B.A. – CNA.al

“Ish-zyrtari i merrte para biznesmenëve”/ Tomorri: Charles i

Lajmet e fundit nga