LEXO PA REKLAMA!

SHKARKO APP

Ish-ministri që bleu makinë 100 milionëshe, tregon si mund të zbardhej e vërteta e 21 janarit

30 Janar 2023, 19:04, Aktualitet CNA
Ish-ministri që bleu makinë 100 milionëshe, tregon si mund
Ish-ministri i Brendshëm, Sandër Lleshaj

Ish-ministri i Brendshëm, Sandër Lleshaj, që bleu makinë 100 milionëshe në pandemi, ka treguar pas 12 vitesh “asin nën mëngë” për zbardhjen e vrasjeve të 4 protestuesve në 21 janar të 2011-ës.

Lleshaj tha se njëra mënyrë ishte që të gjithë pjesëtarët e Gardës së Republikës të ndiqeshin penalisht.

Ai pretendon se duke marrë përgjegjësi penale, efektivët e Gardës së Republikës do të tregonin se ishin urdhëruar për të kryer vrasjet.

“Të gjithë njerëzit e gardës. 100, 200 duhet të ishin marrë në përgjegjësi penale për shkelje të ligjit, pastaj të shihnin ata. Pastaj e shikonin kishin marrë apo nuk kishin marrë urdhër ose e kundërta, nëse ai thotë se kanë vepruar me urdhër…, se derisa ne nuk kemi asnjë masë të marrë nga Qeveria kundër Gardës apo punonjësit, do të thotë se ata kanë vepruar me urdhër dhe kjo nuk është bërë.

Ka një provë, në qendër të Tiranës, më 21 janar janë zbrazur në ajër disa mijëra fishekë, edhe në poligon qitje t’i kishte përdorur një njeri në atë mënyrë do ishte dënuar, jo në qendër të qytetit me njerëz të paarmatosur. Asnjë ligj sot në botë nuk të lejon të përdorësh armën në një qendër të banuar”, u shpreh ai, duke theksuar se këtë mund ta bëjë drejtësia.

Në një intervistë me Denis Mingën, ish-ministri deklaroi se punonjësit e Gardës së Republikës nuk kanë të drejtë të kalojnë vijën e kuqe në asnjë rast.

“Edhe në zyrën e kryeministrit po të kishte hyrë, nuk mund të vritej. Asnjë nuk ka të drejtë të vrasë një njeri, për asgjë. Jo të kalojë vijën e kuqe, por 100 vija të kuqe, në qoftë se do vijë të futet në vendin më sekret, më të paprekshëm. Nëse dikush do të hyjë, mund të hyjë, garda ka detyrë mos ta lerë, ta pengojë pa e vrarë, nuk mund të vendosësh t’i ligjet e gardës”, theksoi Leshaj./ B.A. - CNA.al

Lajmet e fundit nga