web counter
LEXO PA REKLAMA!

SHKARKO APP

App Store
Google Play

E fundit!

x

Enri Ceno i kundërpërgjigjet “Top Channel”/ Tregon si qëndron e vërteta e fotos me McGonigal

1 Shkurt 2023, 21:13, Aktualitet CNA

Enri Ceno i kundërpërgjigjet “Top Channel”/ Tregon si

“Top Channel” ka publikuar ditën e sotme një foto të ish-zyrtarit të  FBI-së, Charles McGonigal me Endri Cenon, sekretarin e marrëdhënieve me jashtë në PD.

Për këtë lajm ka reaguar vetë Ceno, i cili e quan “Top Channel” makineri propagandistike të përbaltjes së qeverisë.

Ai ka shpjeguar se si u gjend në një tavolinë me ish-zyrtarin e FBI-së, për të cilin tregon se e ka takuar vetëm një herë.

“Makineria propagandistike e përbaltjes së qeverisë nëpërmjet një prej mediave të saj për të përfshirë opozitën paska nxjerr nga telefoni i “Personit B” një foto timen dhe të ish partneres sime me agjentin e FBI-së McGonigal.

Enri Ceno i kundërpërgjigjet “Top Channel”/ Tregon si

Për sqarim: Ishte 16 Nëntori i mbi 5 viteve më parë ku unë dhe ish partnerja po festonim dëlindjen e saj. Në tavolinën ngjitur ishte një tjetër mik i imi me partneren e tij dhe pak më tutje po darkonin Personi A me Personin B nën shoqërinë e disa të huajve. Në përfundim të darkës “Personi B” si i njohur i joni na ftoi të dy çiftet për një pije. Aty u prezantuam edhe se cilët ishin të huajt. Pas pak tavolinës i shtohet edhe Damian Gjiknuri asokohe ministër, unë vendosa të largohesha pasi me të kam patur një konflikt ligjor në gjykatë.

Kjo ishte hera e parë dhe e fundit që unë jam takuar me zyrtarin e FBI-së. Ndryshe nga Taulantët, Damianët, Belindat, Ëngjëllat apo Edvinët, unë nuk kam ndarë kurrë interesa financiarë apo okultë as me “Personin A” as me “Personin B” e aq më tepër me gjobvënësit e FBI-së. Gjatë tërë jetës sime nuk kam përfituar asnjë qindarkë para publike dhe nga shtatori i 2013 vetëm jemi përballur e përplasur me regjimin e Ramës si familje.

Për Kim Philby-sat morali është një aset luksi që nuk mund të ja lejojnë vetes dhe koha e tyre ka marrë fund, qoftë në Shqipëri apo jashtë saj. Kjo burracakëri e ulët thjesht me shton forcën për të përdorur të gjithë logjistikën time që këta minues të opozitarizmit dhe demokracisë së vendit të përgjigjen në mënyrën e merituar”, thekson Enri Ceno./ B.A. – CNA.al





Lajmet e fundit nga