LEXO PA REKLAMA!

SHKARKO APP

E fundit!

x

Protesta e 11 Shkurtit/ Thirrja e fortë e Berishës për shqiptarët

1 Shkurt 2023, 20:17, Aktualitet CNA

Protesta e 11 Shkurtit/ Thirrja e fortë e Berishës për

Kreu i PD-së Sali Berisha në një deklaratë për mediat iu ka bërë thirrje të gjithë shqiptarëve që të bashkohen në protestën e 11 shkurtit, për të larguar nga pushteti kryeministrin Edi Rama.

"Të largojmë me çdo kusht nga pushteti, këtë demon të pushtetit i cili për të shkatërruar pluralizmin dhe konsoliduar karrigen e tij nuk ndalet para asnjë akti. Nuk njeh asnjë kufi, nuk njeh asnjë normë morale, asnjë standard, ligj, kombëtar apo ndërkombëtar.

Edi Rama duhet të largohet një minutë e më parë, përndryshe, qytetarët shqiptarë do ta hedhin në Lanë, përndryshe, qytetarët shqiptarë do të rivendosin reputacionin, dinjitetin, moralin e tyre. Kurrë ndonjëherë që nga koha e Enver Hoxhës, dinjiteti i këtij kombi, këtij vendi nuk është poshtëruar në këtë mënyrë.

Kjo është njëra anë e medaljes. Ana tjetër e medaljes është se ky akt korruptiv u ndërmorr me qëllimin e vetëm për shkatërrimin e pluralizmit dhe demokracisë në Shqipëri. Demokraci pa pluralizëm nuk ka, pa opozitë nuk ka, dhe faktikisht me para droge dhe para të tjera, ky përpiqet në të gjitha mënyrat për të konsoliduar monizmin e tij", tha Berisha.

Ndër të tjera, Berisha theksoi se, për largimin e Ramës do të përdorin të gjitha mjetet demokratike, përfshirë mosbindjen civile.

Largimi i Edi Ramës me të gjitha mjetet demokratike, përfshirë mosbindjen civile është sot misioni i të gjitha misioneve të qytetarëve shqiptarë, të popullit opozitar", është shprehur Berisha./ CNA.al

Lajmet e fundit nga