web counter
LEXO PA REKLAMA!

SHKARKO APP

App Store
Google Play

E fundit!

x

"Qëndrova 2 muaj në koma"/ Ish-balerina rrëfen aksidentin e rëndë që pësoi: U detyrova të lë profesionin

1 Shkurt 2023, 13:18, Aktualitet CNA

"Qëndrova 2 muaj në koma"/ Ish-balerina rrëfen

Ish-balerina, Sigi Gjini, ka rrëfyer aksidentin me makinë që ka pësuar para disa vitesh, gjë nga e cila është detyruar të heqë dorë nga profesioni i saj.

Në emisionin “Shije Shtëpie”, ish-balerina e "TV Klan", Sigi Gjini, tregoi për paaftësinë fizike që ky aksident i la si pasojë.

Gjini ka rrëfyer më tej si ndodhi aksidenti dhe si e ka përjetuar këtë periudhë kohe, teksa shtoi se ka qëndruar për dy muaj në koma.

"Qëndrova 2 muaj në koma"/ Ish-balerina rrëfen

Sigi Gjini: Në Shqipëri mjekët nuk dhanë shumë shpresa për jetën time dhe familja u detyrua që të më sillnin këtu (Gjermani), të paktën për të më shpëtuar jetën sepse askush nuk e dinte si do ishte situata më tej.

Katerina Trungu: Këtu nuk ju dhanë shpresë fare?

Sigi Gjini: Për jetën jo, mesa më kanë thënë, sepse unë nuk kam qenë e vetëdijshme.

Katerina Trungu: Ta kuptojmë dhe pak historinë. Ti je larguar që nga ai moment nga Shqipëria dhe nga sytë e njerëzve, ke qëndruar larg televizionit. Njerëzit ndoshta do të donin të dinin se çfarë ka ndodhur realisht, si ka qenë ai moment, ajo ditë?

Sigi Gjini: Atë mbrëmje unë isha në Durrës dhe isha në autostradë duke u kthyer nga Durrësi në Tiranë pasi do takohesha me miqtë e universitetit për të festuar dhe papritur as unë nuk i jap dot shpjegim, në momentin që unë u mundova të frenoj, të ulja pak shpejtësinë, makina filloi të humbte kontrollin dhe filloi të shkonte majtas, djathtas dhe më pas nuk mbaj mend më asnjë gjë. Sado që përpiqem unë ta kujtoj nuk vjen asnjë gjë në mendjen time.

Katerina Trungu: Dhe rikthehesh në jetë nëse mund ta themi kështu, se ke qenë në gjendje kome, për sa kohë?

Sigi Gjini: Afërsisht për 2 muaj, 6 javë, diçka e tillë.

Katerina Trungu: Ai moment si ka qenë, kur ti ke hapur sytë qoftë për mjekët, qoftë për ty, qoftë për prindërit e tu që të kanë dritën e syve sepse je dhe fëmijë i vetëm.

Sigi Gjini: Patjetër që për të gjithë ka qenë një moment shumë i gëzuar, për mua nuk e di çfarë të them se isha e paqartë në mendjen time, nuk e dija se çfarë po ndodhte, i shihja gjërat shumë ndryshe, nuk kuptoja. Mami rrinte ditë për ditë te dhoma ime, ose kur ata nuk lejonin rrinte mbrapa derës së dhomës sime, rrinte priste aty./CNA.al





Lajmet e fundit nga