LEXO PA REKLAMA!

SHKARKO APP

Avokati tregon skemën/ Si mund t’i ketë kërcënuar McGonigal politikanët dhe biznesmenët

31 Janar 2023, 18:44, Aktualitet CNA
Avokati tregon skemën/ Si mund t’i ketë kërcënuar
Ish-zyrtari i FBI-së, Charles McGoniga

Avokati Redon Meksi ka treguar skemën që mund të ketë përdorur ish-zyrtari i FBI-së, Charles McGonigal për të zhvatur politikanët, zyrtarët dhe biznesmenët shqiptarë.

Meksi tha në një intervistë televizive McGonigal mund t’i ketë kërcënuar ata me shpalljen “non grata” për t’i marrë para.

Për këtë ai përmendi disa raste dhe takime që pretendon se ish-zyrtari i FBI-së ka bërë me biznesmenë dhe politikanë, siç është ai me Tom Doshin, Ylli Ndroqin, Shqefqet Kastratin, Safet Gjicin apo Damian Gjiknurin.

Pjesë nga deklarata:

Lajmet e djeshme që u shtuan plus, tregojnë që ka takuar edhe njerëz të tjerë përveç kryeministrit në sfera të ndryshme të shoqërisë. Po të lexojmë padinë e ngritur ndaj tij, shohim që zotëria e FBI ka bërë edhe diçka tjetër të jashtëligjshme, që është dhënia e kredencialeve të tij. Atij nuk i lejohet që të tregojë kredencialet.  Shkruhet në padinë e të akuzuarit në gjykatë. Është pjesa tjetër që 5 ditë pas takimit me kryeministrit filloi hetimi ndaj opozitës, ose më mirë ndaj Muzinit, vuri në lëvizje FBI-në e Nju-Jorkut, Departamentin e Drejtësisë,  për të marrë në hetim dikë që lidhet drejtpëdrejtë me opozitën e Shqipërisë. Kemi një person të FBI që mund të jetë përdorur nga kryeministri për të shantazhuar opozitën.

Si është përdorur 'non grata' në Shqipëri. Ne e konsiderojmë si një ndër mallkimet më të mëdha që mund të vijë. Kemi pasur z.Balla që donte të ndryshonte ligjin për dekriminalizimin, që thoshte që kush është non grata s’duhet të futet në Parlament, as në politikë, e me radhë! Kemi parë që ‘non grata’ u është dhënë edhe biznesmenëve, kemi rastin e Tom Doshit, Ylli Ndroqit. Flitej edhe për një takim me biznesmenë të tjerë në Shqipëri, flitej për një takim me z.Kastrati. Ky i FBI ka takuar z.Gjici, Damian Gjiknurin, Shefqet Kastratin, apo djalin e tij. Ky s’ka ardhur vetëm për të takuar vetëm Ramën, por ka ardhur s’i shantazhues. Mund të ketë qenë një skemë.  Mund të ketë qenë edhe një skemë. Për çfarë i duhet një biznesmeni shqiptar të takojë një përfaqësues i FBI-së?! I bie që e ka ditur shumë mirë që mund të kërcënojë shqiptarët, biznesmenë dhe politikanë me ‘non gratën’. Mund të ketë qenë edhe çështje zhvatjeje duke i kërcënuar me ‘non gratën’!

Ky shteti ynë pse s’reagon për këto që po ndodhin?! Kemi një spiun të FBI-së, një agjent të dyfishtë në Shqipëri duke bërë para pafund, pse nuk reagon Ministria e Jashtme?! Pse nuk i bën një kërkesë DASH-it, Departamentit të Drejtësisë, çfarë bëhet me këtë person?! Kjo është një dosje e 2017-ën. Ne e morëm vesh sot, por ka 5 vjet në hetim. Kur paska kërcënuar biznesmenë,  po Dhoma e Tregtisë nuk reagon?! Po Dhoma Amerikane e Tregtisë pse nuk reagon?! Ne kemi një shtet të trembur, që nuk reagon, që ka dal out.  Edhe është përdorur edhe e ka kuptuar fuqinë e tij. Ky ka kuptuar fuqinë e tij me pagesën e parë dhe ka kuptuar që këtu në Shqipëri funksionon kjo gjë, dhe mund të ketë krijuar një skemë zhvatje. E kemi parë çfarë fuqije ka shpallja 'non grata' për keq në Shqipëri. Sa herë është folur në media që ka biznesmenë shqiptarë që janë non grata por nuk dihen. Shteti ynë duhet të reagojë në mënyrë zyrtare, edhe opozita duhet të kishte reaguar në mënyrë zyrtare. Nuk duhet të pyesë opozita DASH apo Departamentin e Drejtësisë?! Se në fund fare është një sulm ndaj Shqipërisë. E ke të shkruajtur që është përdorur për të sulmuar një kundërshtar të tij politik. S’duhet të reagojmë ne si shtet? Apo meqë është Amerika s’duhet të flasim! Ambasada po hesht. Po hetohet, po hetohet, ka 5 vjet që po hetohet! Kemi një zyrtar amerikan që vjen edhe tallet me shtetin tonë!/ B.A. - CNA.al

Lajmet e fundit nga