web counter
LEXO PA REKLAMA!

SHKARKO APP

App Store
Google Play

SPAK thellon hetimet për inceneratorin e Tiranës/ Priten arrestime

31 Janar 2023, 13:01, Aktualitet CNA

SPAK thellon hetimet për inceneratorin e Tiranës/ Priten arrestime

Hetimet për inceneratorin e Tiranës kanë marrë një kthesë tjetër.

SPAK-u ka thelluar hetimet për aferën e inceneratorit të Tiranës, për të cilin janë dhënë paratë, por që në vërtetë nuk u ndërtua kurrë.

Sot janë pranuar prova të reja nga SPAK-u, nëpërmjet deputetes së PL-së, Monika Kryemadhi.

Ajo ka qëndruar për më shumë se dy orë e gjysmë në SPAK, në rolin e kallëzueses, ku ka dëshmuar dhe ka ofruar provat për korrupsionin me inceneratorin e Tiranës.

“Në Komisionin Hetimor Rama dhe Veliaj kanë gënjyer. Në rastin tim unë kam kërkuar diferencimin që nuk ndodh, por ka vetëm groposje. Në korrik të vitit 2022 gropa që duhet të ishte mbushur për 30 vite është mbushur për 9 muaj. Droni i së vërtetës tashmë i ka vendosur në lëvizje. E di që është e vështirë për ndërhyrjet e mëdha që bëhen nga qeveria, por me besim të plotë them që gjërat do të realizohen. Besoj që drejtësia do të triumfojë për qytetarët shqiptarë, pasi kemi një kompani inekzistente”, ka thënë Kryemadhi.

CNA.al ka mësuar se janë dhjetëra zyrtarë nën hetim për inceneratorin e Tiranës dhe tashmë hetimet pritet të kenë fatin si në rastin e inceneratorit të Fierit dhe Elbasanit me zyrtarë dhe biznesmenë pas hekurash.

Kujtojmë se Giuseppe Ciaffaglione dhe Arjola Kodra, në cilësinë e aksionerit dhe administratorit të shoqërisë koncesionare "Integrated Energy BV SPV", janë nën hetim dhe në kërkim nga SPAK-u.

Në kërkim janë edhe pronarët e inceneratorëve, Klodian Zoto, Mirel Mërtiri dhe bashkëjetuesja e tij, Stela Gugallja./CNA.al





Lajmet e fundit nga