LEXO PA REKLAMA!

SHKARKO APP

Balluku zbardh takimin me drejtorin e Sekretariatit të Energjisë/ Prioritetet për vitin 2023

31 Janar 2023, 22:20, Aktualitet CNA
Balluku zbardh takimin me drejtorin e Sekretariatit të Energjisë/
Zv.kryeministrja, njëherësh Ministrja e Infrastrukturës dhe Energjisë, Belinda Balluku

Zv.kryeministrja, njëherësh Ministrja e Infrastrukturës dhe Energjisë, Belinda Balluku, ka mbajtur sot një takim me drejtorin e Sekretariatit të Komunitetit të Energjisë, Artur Lorkowski.

Në një deklaratë të përbashkët për shtyp, Balluku ka treguar disa nga temat për të cilat kanë diskutuar, që kanë qenë progreset e bëra në fushën e energjetikës përgjatë vitit 2022.

“Kostatuam që Shqipëria ka pasur një progres të ndjeshëm gjatë vitit 2022 përsa i përket zhvillimit të diversifikimit të burimeve të rinovueshme përmes ankandeve dhe kjo është theksuar si një arritje në këtë progres-raport, duke veçuar Shqipërinë si një nga vendet e rajonit palë të traktatit. Gjithashtu Shqipëria ka qenë vendi i parë që ka miratuar planin kombëtar për energjinë dhe klimën, duke adoptuar të gjithë targetet e vendosura nga BE, të cilat për tu implementuar kërkojnë padyshim punë dhe impenjim.

E sigurova drejtorin se ministria e Infrastrukturës dhe Energjisë do të jetë e angazhuar për përmbushjen e plotë të të gjitha kushteve të vendosura nga sekretariati i energjisë, që janë në dobi jo vetëm të të gjithë zhvillimit energjitik të rajonin, por edhe të vendit tonë.

Përfitova nga rasti ta përditësoja drejtorin me të gjitha zhvillimet e fundit që kemi pasur përgjatë një viti shumë të vështirë, por që për Shqipërinë ka rezultuar një vit i rëndësishëm në zhvillimet energjetike, duke qenë se programet e eficensës së energjisë kanë qenë ato që janë përqafuar edhe nga qytetarët, duke rezultuar si një çels i mirëfilltë suksesi”, u shpreh ajo ndër të tjera.

Më tej, zv.,kryeministrja ka treguar edhe disa nga prioritetet e qeverisë për vitin 2023.

“Theksin kryesor gjatë vitit 2023 do ta ketë zhvillimi i infrastrukturës energjetike dhe ndërlidhjes rajonale që është një nga kushtet më të rëndësishme të kësaj infrastrukture me qëllimin forcimin e sigurisë energjetike që tashmë është kthyer në një nga nevojat kryesore për të gjithë kontinentin tonë, përshpejtimin e trazicionit energjitik përmes lehtësimit të procedurave licensuese, për zhvillimin e energjive të rinovueshme”, nënvizoi Balluku./ B.A. – CNA.al

Lajmet e fundit nga