LEXO PA REKLAMA!

SHKARKO APP

Spartak Ngjela, thirrje Kurtit/ Mos bëj lëshime ndaj Serbisë

31 Janar 2023, 21:29, Aktualitet CNA
Spartak Ngjela, thirrje Kurtit/ Mos bëj lëshime ndaj Serbisë
Avokati Spartak Ngjela

Avokati Spartak Ngjela ka komentuar situatën mes Kosovës dhe Serbisë, përsa i përket formimit të Asociacionit të komunave me shumicë serbe.

Ngjela i bërë thirrje kryeministrit të Kosovës të rezistojë dhe të mos bëjë lëshime ndaj Serbisë.

“Ne e kemi fituar luftën në vitin 99’ dhe unë u bëj thirrje atyre të qëndrojnë për të ruajtur dinjitetin e kombit të tyre sepse ka shumë filoserbë brenda. Gjithë çështja është se të rrahurit duan rrahësin shpesh, jo të gjithë, por ka nga ata që vuajnë psiqikisht”, u shpreh ai në intervistë me Bruna Çifligun.

Kujtojmë se Kosova dhe Serbia kanë arritur dy marrëveshje për Asociacionin në 2013-ën dhe 2015-ën. Gjykata Kushtetuese e Kosovës ka konstatuar më 23 dhjetor të vitit 2015 se parimet e përgjithshme të Asociacionit, të dakorduara po atë vit mes Kosovës dhe Serbisë, nuk janë tërësisht në përputhje me frymën e Kushtetutës së Kosovës.

Gjykata Kushtetuese ka thënë se ky asociacion mund të formohet nëse harmonizohen parimet me Kushtetutën. Qeveria e Kosovës, e udhëhequr nga Albin Kurti, kundërshton formimin e një Asociacioni njëetnik me kompetenca ekzekutive, ndërsa në Beograd insistojnë në themelimin e tij./ B.A. - CNA.al

Lajmet e fundit nga