LEXO PA REKLAMA!

SHKARKO APP

“Bëheshin intervistime pse ke hyrë, ku do të shkosh”/ Karamuço “zbërthen” prapaskenat e operacionit “Fijet”

1 Shkurt 2023, 12:50, Aktualitet CNA

“Bëheshin intervistime pse ke hyrë, ku do të shkosh”/

Eksperti i kriminalistikës, Ervin Karamuço, ka folur për operacionin e policisë “Fijet”, lidhur me çmontimin e kamerave nëpër qytete.

I ftuar në "Breaking", Karamuço u shpreh se janë sekuestruar dhe hequr qindra kamera të monitoruara nga elementët kriminalë.

Eksperti zbulon se ky operacion po zhvillohet nga bashkëpunimi i Policisë së Shtetit dhe autoriteteve gjermane.

“Kjo është një strategji që është punuar prej dy vitesh me asistencë të policisë gjermane, të cilët kanë ardhur në fund të vitit të kaluar. Kanë sjellë një dokument për të forcuar policinë kriminale dhe për të dobësuar krimin në vend. Ky aksion ka pasur ndërmend të fillonte në janar. Një nga analizat që kanë bërë gjermanët ka qenë dhe fakti që krimi është forcuar shumë edhe në sistemet teknologjike, si kamera etj”, tha Karamuço.

Karamuço shtoi më tej se kamerat nuk janë përdorur vetëm për t'u mbrojtur nga rivalët apo për të pikasur dhe policinë, por janë përdorur dhe për të kryer atentate.

“Nuk e di pse deri tani nuk është marrë guximi, ama i përgëzoj drejtuesit për këtë nismë, por nuk e dimë a do të heqin kamerat apo krimin? Sepse është bërë një gabim në këtë operacion, i cili duhet të ishte njëherësh. Këto operacione duhet të jenë të mirëmenduar dhe t'u shkojmë në fund gjërat. Shumë nga këto kamera janë hequr dhe nuk dihen pronarët, nga ana tjetër heqja e këtyre kamerave është bërë nga efektivët që nuk janë trajnuar për këtë gjë. Është verfikuar që qendra si Shkodra ka pasur disa salla operative për të identifikuar personat e dyshimtë dhe të panjohur në lagje. Bëheshin intervistime madje, pse ke hyrë, ku do të shkosh…” - shtoi më tej eksperti Ervin Karamuço./CNA.al

Lajmet e fundit nga