LEXO PA REKLAMA!

SHKARKO APP

Shkrirja e Gjykatave të Apelit/ Kryetarja e KLGJ-së: S'do të ketë kufizim aksesi për qytetarët

1 Shkurt 2023, 09:50, Aktualitet CNA

Shkrirja e Gjykatave të Apelit/ Kryetarja e KLGJ-së: S'do të

Sot hyn në fuqi harta e re gjyqësore.

Sipas kryetares së Këshillit të Lartë Gjyqësor, Naureda Llagami, qytetarët nuk do të kenë kufizime të aksesit në Gjykatën e Apelit të Juridiksionit të Përgjithshëm. Llagami deklaroi për mediat se harta e re gjyqësore nuk do të ketë më dështim të seancave, e ndërsa më tej shtoi se "pengesa" e vetme për qytetarin, është se nuk do të ketë gjyqtarin e aksesueshëm.

Kryetarja e KLGJ-së tha se hartimi nuk ishte i lehtë e mori tri vite kohë, me synimin e rritjes së cilësisë.

"KLGJ pavarësisht masave që mori me rritjen e kuotave për magjistratët e rinj, u pa e udhës që përveç këtyre masave duhej të merreshin masa edhe strukturore, pra harta e re gjyqësore. Ishte një tendencë që sot po shkojnë gjithë vendet e zhvilluara, rritjen e shërbimit të cilësisë që japin këto gjykata. Synojmë që të kemi gjykata më të mëdha, të profilizuara me gjyqatarë të mirë që do ndikojë te cilësia e vendimmarrjes që do ketë impakt te publiku.

Nuk ishte procesi i lehtë, na mori 3 vjet. Nuk ishte diçka e thjeshtë, pasi përballeshim çdo ditë me prioritete. Nuk do ishte bërë nëse ne s’do të kishim edhe mbështetjen e partnerëve tanë. Me gjithë kundërshtitë dhe dilemat arritëm ta miratonim se e kuptuam që ishim në një rrugë pa kthim. Sot është koncept shërbimesh, nuk mund të diskutim për shërbime nëse nuk flasim për kosto dhe optimizim të burimeve njerëzore”, tha Llagami./CNA.al

Lajmet e fundit nga