LEXO PA REKLAMA!

SHKARKO APP

Çuçi është takuar me ish-agjentin e FBI-së?/ Ministri tregon se me kë i mbajnë lidhjet

1 Shkurt 2023, 14:36, Aktualitet CNA

Çuçi është takuar me ish-agjentin e FBI-së?/

Ministri i Brendshëm, Bledi Çuçi, ka reaguar lidhur me skandalin “McGonigal”, i cili është në hetim nga drejtësia amerikane edhe për lidhjet me Shqipërinë.

Ministri Çuçi në konferencën pas mbledhjes së qeverisë, ka deklaruar se ai nuk e ka takuar ish-zyrtarin e lartë të FBI-së, duke folur më tej për marrëdhëniet e policisë shqiptare me zyrtarët e FBI-së.

Çuçi shtoi se raportet janë me institucionin dhe jo me individë të përveçëm. E ndërsa lidhur me hyrje-daljet e McGonigal në Shqipëri, ai tha se nuk ka asgjë sekrete sepse të dhënat duhet të jenë në sistem.

“Policia ka marrëdhënie me institucionin, me FBI-në dhe jo persona të caktuar, policia është e asistuar në bazë të një marrëveshjeje që kemi. Hera e fundit konkrete ka qenë në rastin e sulmit kibernetik, që ne kem pasur ndihmën e FBI-së. Ka qenë ekspertiza e tyre që kanë identifikuar origjinën e sulmeve kibernetike. Ne marrëdhëniet i kemi me institucionin, emrat e përveçëm i vendos FBI-ja. Nëse doni ta dini, unë personalisht nuk e kam takuar. Ato duhet të jenë në sistem, nuk ka ndonjë sekret”, tha Çuçi./CNA.al

Lajmet e fundit nga