web counter
LEXO PA REKLAMA!

SHKARKO APP

App Store
Google Play

E fundit!

x

“Yuri Kim, në dreka e darka me McGonigal”/ Berisha, akuza ambasadores amerikane

30 Janar 2023, 12:42, Politikë CNA

“Yuri Kim, në dreka e darka me McGonigal”/ Berisha, akuza

Një thirrje kreu i PD-së ka edhe për FBI-në për të hetuar ambasadoren amerikane Yuri Kim dhe lidhjet e saj me McGonigal.

Sipas Berishës, kodi i heshtjes po zbatohet edhe nga guvernatorja, e cila nuk ka lënë gjë pa komentuar.

“Tani për një ngjarje që ka tronditur thellë botën, nuk shqipëron një fjalë të vetme.

Si është e mundur kjo? Çfarë interesash përfaqëson guvernatorja?

A mund të shpjegojë kush? A ka shqiptar që nuk pret një reagim të saj për këtë ngjarje?

Në llojin e saj, guvernatorja është një McGonigal, ndaj së cilës janë shumë akuza për të gjitha format e korrupsionit”, është shprehur Berisha.

Sipas tij, nëse McGonigal nisi me manipulimet me dosjen ruse, guvernatorja vazhdoi veprën e saj me shpifje, me sulme, duke dëshmuar se nuk ka asnjë parim, asnjë vlerë.

“Duke rendur nga studioja në studio, nga zyra në zyrë, me qëllimin e vetëm të shkatërronte opozitën.

Nuk është kjo që e bën të aplikojë kodin e heshtjes. Ndaj u bëj thirrje FBI-së, agjencive të tjera të SHBA-së, të hetojnë se cilat kanë qenë qëndrimet e saj ndaj McGonigal. Ka informuar ajo vendin e vet për takimet që ai ka pasur, për veprimtarinë e tij, për vizitat e shpeshta në Shqipëri?

Ka informuar ajo për Deripaskën në Shqipëri, për kompanitë e tij që fryheshin si shushunja në Shqipëri, paçka se prej katër vitesh ishin nën sanksione të rrepta të SHBA-së?

Ka pasur ajo dreka e darka me ekipin Rama-McGonigal.

Këto dhe gjëra të tjera janë të rëndësishme për autoritetet e vendit mik për t’i shkuar deri në fund kësaj çështjeje”, ka deklaruar Berisha./CNA.al





Lajmet e fundit nga