web counter
LEXO PA REKLAMA!

SHKARKO APP

App Store
Google Play

E fundit!

x

Si ka mundësi që hesht Lulzim Basha?/ Berisha denoncon presionin ndaj ish-kreut të PD-së

30 Janar 2023, 12:36, Politikë CNA

Si ka mundësi që hesht Lulzim Basha?/ Berisha denoncon presionin ndaj

Kreu i PD-së, Sali Berisha, në një dalje për mediat, ka folur edhe për heshtjen e Lulzim Bashës në lidhje me skandalin McGonigal.

Sipas tij, në këto momente kur zien e gjithë bota, kur ziejnë mediat e gjithë botës dhe jo vetëm të SHBA-së, ajo që bën përshtypje më të madhe është se edhe viktimë-Basha ka mbyllur gojën si me zinxhirë.

“A mund të imagjinoni ju ndonjëherë, një rast kur krimineli që e vrau atë, që përdori një nga njerëzit më të fuqishëm të planetit në fushën e zbulimit kundër tij, tani nuk flet prej 7 ditësh asnjë fjalë, sikur nuk ekziston.

Ftoj shqiptarët të pyesin: si ka mundësi? Si ka mundësi që ky njeri tani që u bë e qartë se Edi Rama ka përdorur McGonigal si vrasës me pagesë në aferën Muzin kundër tij, nuk thotë një fjalë të vetme.

Gjithçka flet se përsëri guvernatorja qëndron prapa heshtjes së tij. Heshtjes së turpshme, të turpshme, të turpshme.

Mirë Rama, që është autori i një vepre makabër, por viktima e tij, si nuk gjen forcë të shqipërojë një fjalë të vetme?”, ka pyetur Berisha.

Berisha i ka bërë thirrje çdo shqiptari të shtrojë pyetjen: çfarë ndodh, si ka mundësi dhe se a ka një detyrim minimal ky njeri, qoftë edhe ndaj atyre që e kanë mëbshtetur gjer në fund, por edhe tani madje e mbështesin, të bëjë transparencë.

“Të bëjë transparencë edhe kush i bën presion për të mbyllur gojën.

Unë nuk jam i habitur, e kam quajtur peng atë, por në situatën e re të krijuar, ai ka një detyrim. Njeriu gjithmonë ka një detyrim jashtë vetes së tij.

Ky është kodi i heshtjes që zbatohet me fanatizëm si nga krimineli, edhe nga viktimë”, ka thënë më tej Berisha./CNA.al





Lajmet e fundit nga