LEXO PA REKLAMA!

SHKARKO APP

Foto – Safet Gjici, mik me Charles McGonigal/ Zbulohet darka me Agron Nezën dhe ish-zyrtarin e FBI-së

28 Janar 2023, 08:39, Aktualitet CNA
Foto – Safet Gjici, mik me Charles McGonigal/ Zbulohet darka me Agron
Ish-zyrtari i FBI-së, Charles McGonigal

Prej ditësh në media zien lajmi i skandalit të ish-zyrtarit të FBI-së, Charles McGonigal dhe akuzat për lidhjet e tij me kryeministrin Edi Rama.

Por duket se ish-zyrtari i arrestuar i FBI-së nuk ka pasur miqësi vetëm me kreun e qeverisë, por edhe me eksponentë tjerë të PS-së.

Së fundmi, në media ka qarkulluar një foto e Charles McGonigal me Safet Gjicin, kryebashkiakun socialist të Kukësit.

Ata shfaqen duke darkuar në një restorant e duke pirë verë, ndërsa shoqërohen nga Agron Neza, “personi A” në dosjen e ish-zyrtarit të arrestuar të FBI-së.

Foto – Safet Gjici, mik me Charles McGonigal/ Zbulohet darka me Agron

Ndërkohë, kujtojmë se Charles McGonigal akuzohet se ka ndihmuar oligarkët rusë, si dhe ka marrë 225 mijë euro ryshfet nga një ish-zyrtar i inteligjencës shqiptare në vitin 2017, para se të dilte në pension.

Në një aktakuzë të veçantë me nëntë pika, McGonigal akuzohet se shifrën e konsiderueshme e ka marrë në dorë në këmbim të promovimit të interesave të biznesit të ish-agjentit shqiptar, i cili ka marrë shtetësinë amerikane dhe jeton në Nju Xhersi.

Në dosjen e Charles McGonigal flitet për një "person A" dhe një "person B", që janë Agron Neza dhe Dorian Duçka./ B.A. – CNA.al

Lajmet e fundit nga