E fundit!

13:38 Editorial

Çmimet e karburantit sot dhe roli i shtetit

Shteti nuk mund të sillet si spektator në një treg hidroka...

Meta “zgjohet” me McGonigal/ Thirrje deputetëve: Mos u sillni si kukulla

27 Janar 2023, 10:10, Aktualitet CNA

Meta “zgjohet” me McGonigal/ Thirrje deputetëve: Mos u sillni

Kreu i Partisë së Lirisë Ilir Meta e ka nisur mëngjesin e sotëm me skandalin “McGonigal”.

Ai ka vijuar me akuzat ndaj kryeministrit Edi Rama se ka shkelur Kushtetutën e vendit.

Sipas Metës përdorimi i McGonigal në mënyrë të paligjshme dhe korruptive nga Edi Rama kundër opozitës dhe kundërshtarëve të tij politikë është shumë flagrant.

“Përdorimi i McGonigal në mënyrë të paligjshme dhe korruptive nga Edi Rama në postin e Kryeministrit të Shqipërisë kundër opozitës dhe kundërshtarëve të tij politikë është shumë flagrant. Ndaj hetimi i kësaj çështje nga SHBA është shumë i rëndësishëm për të zbardhur këtë ngjarje të rëndë.

Edhe më i domosdoshëm është hetimi i veprimeve antikushtetuese, të paligjshme dhe mafioze nga Edi Rama, i cili e përdhosi zyrën e Kryeministrit duke joshur e korruptuar zyrtarë të lartë të huaj për të porositur investigime ndaj kundërshtarëve politikë me qëllim shkatërrimin e pluralizmit politik dhe instalimin e plotë të narkoshtetit dhe kleptokracisë.

Edi Rama nuk është vetëm në konflikt interesi me detyrën e Kryeministrit por ka shkelur rëndë Kushtetutën e vendit duke shfrytëzuar postin e Kryeministrit dhe përdorur korrupsionin ndaj zyrtarëve të huaj për të minuar demokracinë dhe pluralizmin politik në vend”, shkruan Meta në rrjete sociale.

Sipas tij, bllokimi i komisionit hetimor parlamentar është një përpjekje e pashpresë për të relativizuar këtë komplot të tij kundër demokracisë dhe pluralizmit politik.

“U bëj thirrje deputetëve të mos sillen më si kukulla për të mbuluar skandalet e Edi Ramës, por të shpëtojnë dinjitetin e tyre duke respektuar Kushtetutën dhe Rregulloren e Kuvendit.

Asgjë nuk do ta ndalë zbardhjen e “Ramagate” në vendin tonë dhe vendosjen para ligjit të kësaj bande manipulatorësh!

Ja dhe zyrtarët “antikorrupsion” që u kthyen në ortakë të regjimit më të korruptuar në Europë dhe u përdorën kundër opozitës dhe demokracisë në Shqipëri”, ka shkruar më tej Meta./CNA.al