web counter
LEXO PA REKLAMA!

SHKARKO APP

App Store
Google Play

Amnistia fiskale/ Ambasadorja e BE: Ekspertë të zotë po punojnë me Qeverinë shqiptare

26 Janar 2023, 22:58, Aktualitet CNA
Amnistia fiskale/ Ambasadorja e BE: Ekspertë të zotë po
Ambasadorja e Bashkimit Europian, Christiane Hohmann

Ambasadorja e Bashkimit Europian, Christiane Hohmann, ka folur mbrëmjen e sotme për nismën e Qeverisë me amnistinë fiskale.

Amvasadorja tha se disa që janë shumë të zotë po punojnë me Qeverinë shqiptare për të hartuar amnistinë fiskale.

“Ne kemi sjellë disa ekspertë që janë shumë më të zotët se unë. Unë nuk jam eksperte finance, por ata kanë ardhur dhe kanë dhënë një numër të konsiderueshëm këshillash për Qeverinë shqiptare për t’u përfshirë në hartimin e një legjislacion të ri, një versioni të ri të tij. Kjo është ajo që po presim, një version i ri që të përfshijë këshillat e dhëna. Në këtë pikë nuk mund t’ju them ku janë vijat e kuqe, pasi nuk e njoh gjendjen aktuale të draft legjislacionit. Jemi në pritje të tij”, u shpreh ajo.

Teksa u pyet nëse BE ka ndonjë shqetësim në lidhje me këtë nismë, Hohmann deklaroi se:

“Janë shumë çështje, pasi është një legjislacion jashtëzakonisht i ndërlikuar dhe gjithëpërfshirës. Ju përmendët një prej tyre, por është edhe çështja e ekstraterritorialitetit, çështja e zbatueshmërisë, është një sfidë e madhe praktike por edhe ligjore, por siç e thashë kemi ofruar këshilla dhe tani çështja është si do të hartohet një draft i ri i legjislacionit. Ekspertët do ta shohin përsëri dhe nuk është vetëm Komisioni Evropian, por edhe MoneyVal që do ta shohë dhe do të japë këshilla”./ B.A. – CNA.al





Lajmet e fundit nga