web counter
LEXO PA REKLAMA!

SHKARKO APP

App Store
Google Play

E fundit!

x

Zhvatën farmacistin/ Shkarkohen nga detyra dy inspektorë të barnave

26 Janar 2023, 16:01, Aktualitet CNA

Zhvatën farmacistin/ Shkarkohen nga detyra dy inspektorë të

Dy inspektorë të Agjencisë së Barnave inskenuan disa shkelje të një farmacisti të ri dhe i thanë se do të gjobitej me 4 milionë lekë të vjetër, por nëse u jepte atyre 1 milion lekë nën dorë, atëherë ata nuk do t'i raportonin shkeljet.

Ky rast u denoncua mbrëmjen e djeshme në emisionin investigativ “Stop”, ndërsa pak më parë ka ardhur edhe reagimi i Agjencisë Kombëtare të Barnave dhe Pajisjeve Mjekësore.

AKBPM ka shkarkuar menjëherë nga detyra dy inspektorët Armando Luka dhe Luan Cici, të cilët u filmuan duke abuzuar me detyrën dhe në shkelje të ligjit.

“Pas denoncimit të bërë nga emisioni investigativ “STOP”në Tv-Klan, Agjencia Kombetare e Barnave dhe Pajisjeve Mjekësore ka marrë masat për shkarkimin e menjëhershëm nga detyra të dy inspektorëve A.L dhe L.C. të cilët shfaqen në videon e transmetuar nga emisioni STOP, duke abuzuar me detyrën dhe në shkelje të ligjit.

Agjencia Kombëtare e Barnave dhe Pajisjeve Mjekësore falenderon emisionin investigativ “Stop” në Tv Klan dhe inkurajon mediat, çdo qytetar apo biznes për denoncimin e kujtdo që abuzon me detyrën duke ju siguruar se nuk do te ketë asnjë tolerancë për abuzimet e çdo lloji dhe është e hapur për të bashkëpunuar me organet kompetente për të çuar deri në fund zbardhjen e kësaj ngjarje”, thuhet në reagim./ B.A. – CNA.al





Lajmet e fundit nga