web counter
LEXO PA REKLAMA!

SHKARKO APP

E fundit!

x

Dhunimi i gazetarit/ Reagon AMA: E papranueshme, janë cënuar rëndë standardet e lirisë

26 Janar 2023, 17:36, Aktualitet CNA
Dhunimi i gazetarit/ Reagon AMA: E papranueshme, janë cënuar
Autoriteti i Mediave Audiovizive

Autoriteti i Mediave Audiovizive ka reaguar për dhunimin e gazetarit Elvis Hila dhe bashkëshortes së tij për shkak të detyrës.

Ama e cilëson të papranueshëm ushtrimin e dhunës fizike ndaj një reporteri në detyrë.

AMA deklaron se kërcënimi psikologjik dhe ushtrimi i dhunës fizike ndaj një reporteri janë cënim i rëndë i standardeve të lirisë dhe pavarësisë së medias.

“Ushtrimi i dhunës fizike ndaj një reporteri në detyrë është i papranueshëm

Autoriteti i Mediave Audiovizive, AMA, ka përcjellë së fundmi me shumë shqetësim aktin e rëndë të ushtrimit të dhunës ndaj gazetarit audioviziv Elvis Hila në qytetin e Lezhës.

Kërcënimi psikologjik dhe ushtrimi i dhunës fizike ndaj një reporteri në detyrë janë akte të papranueshme, janë cënim i rëndë i standardeve të lirisë dhe pavarësisë së medias.

AMA pret me padurim zbardhjen e plotë të ngjarjes dhe vënien para drejtësisë të autorëve të këtij akti të shëmtuar dhe të rrezikshmëm për lirinë e shprehjes.

AMA qëndron krah gazetarit Elvis Hila dhe të gjithë kolegëve të redaksive që punojnë me angazhim dhe përgjegjësi profesionale për informimin e publikut”, thekson AMA./ B.A. – CNA.al





Lajmet e fundit nga