web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha tregon çështjet/ Ja në cilat raste Agron Neza mund t’i ketë dhënë informacion FBI-së

26 Janar 2023, 23:04, Aktualitet CNA
Artan Hoxha tregon çështjet/ Ja në cilat raste Agron Neza mund
Gazetari Artan Hoxha

Gazetari Artan Hoxha ka treguar mbrëmjen e sotme se Agron Neza ka shërbyer si burim informacioni për disa çështje të rëndësishme në FBI.

Teksa ishte i ftuar në emisionin “Opinion”, Hoxha tregoi disa prej çështjeve për të cilat Neza mund të ketë bashkëpunuar me FBI-në, njëra prej të cilave është ajo e Muzin.

“Për çështjen Muzin, informacioni ka shkuar në këtë formë, ka ardhur nëpërmjet atij. Çështja pastaj në SHBA është nisur nëpërmjet kësaj rruge. Mënyra se si ai e ka marrë informacionin në Shqipëri, kjo është pjesa që ha diskutim. Por ai është një personazh, i cili nuk është i panjohur në Shqipëri, përkundrazi, ka qenë i interesuar për disa çështje shumë specifike.

Ai ka qenë aktiv pas vitit 2016, në vitin 2017, ishim në momentin ku në Shqipëri po kalonte Reforma për Drejtësi, kemi shpërthimin e disa skandaleve, kemi disa çështje hetimore që kishte Prokuroria për Krimet e Rënda, kemi një konflikt të Prokurorit të Përgjithshëm në atë kohë me ambasadën amerikane për disa çështje biznesi në Republikën e Shqipërisë. Pastaj ishte momenti para se të shpalleshin “non gratat” e para, kemi momentin kur janë shpallur “non gratat” e para. Prokurori i Përgjithshëm ka qenë pjesë e të shpallurve “non gratat” e para. Nga takimet që kam pasur me të, nga informacioni që kam shkëmbyer me të, dukej një njeri që kishte shumë kontakte dhe informacione. Si e merrte dhe si e përdorte edhe unë jam habitur se si ka dalë. Mua çudia më e madhe më është dukur që aty është arrestuar një shef divizioni", u shpreh gazetari./ B.A. - CNA.al





Lajmet e fundit nga