web counter
LEXO PA REKLAMA!

SHKARKO APP

App Store
Google Play

E fundit!

x

Kur zgjidhjet i jep Nebili, letrat i shkruan Gazi dhe firmën e vë Luli, kusuri del Enkelejdi!

6 Mars 2023, 14:19, Editorial CNA

Kur zgjidhjet i jep Nebili, letrat i shkruan Gazi dhe firmën e vë

Sot për herë të parë, shqiptarët u njohën me një shkresë që Lulzimsat pretendojnë se qenka hartuar një vit më parë.

Ndalemi pak dhe analizojmë ca gjëra të thjeshta!

Enkelejd Alibeaj një vit më parë është certifikuar si kryetar në detyrë i PD-së nga Gaz Bardhi.

Ajo letër u bë publike një vit më parë.

Pse ju desh Gazit ai certifikim, në emër të Statitit, siç deklaronte Gazi, kur Luli paska pas lëshuar këtë delegimin që na u shfaq sot?

Delegimi ështe akt publik. Nuk është letër që shkruhet diku dhe del dikur.

Delegim, pa publikim nuk ka! Se të tretët duhet ta marrin vesh dhe kuptojnë publikisht, të gjithë njësoj se me kë duhet të komunikojnë.

Ka vetëm një shpjegim e gjithë kjo që po ndodh!

Ky autorizimi që kanë nxjerrë sot Lulzimsat është falsifikim.

Dhe falsifikimin e kanë bërë në bashkëpunim. Jo vetëm Luli.

Gazi e mblodhi 2 herë Këshillin Kombëtar. Nuk u emërua Enkelejdi kryetar PD-je! Enkelejdin e caktoi Gazi. Dhe ajo letër u bë publike.

Tani del që as ajo nuk qenka depozituar në Rregjistrin e Partive Politike!

Njëjtë si "dorëheqja" e KryeLulzimsit të Lulzimsave.

Shkresa e Lulit është pa asnjë dyshim e falsifikuar sepse:

1 - Atë shkresë e shohim tani për herë të parë;

2 - Ajo shkresë nuk është depozituar në Regjistrin e partive politike;

3 - Në protokollin e PD-së nuk ka asnjë gjurmë të atij autorizimi (që nganjëherë Lulzimsat e quajnë delegim).

Ligji nuk e ka kot parashikimin e detyrimit për depozitim në regjistrin e partive politike! Nuk i thonë kot Regjistër!

Sepse atje regjistrohet gjithçka: Rezultat votimesh, emërime, shkarkime, delegime etj.

Nuk mund të ketë një regjister në gjykatë dhe 1 në shtëpinë e Lulit apo Enkelejdit.

Dhe pastaj kur të do interesi pyet Gjykatën e kur të do qejfi hap sepetin e Gazit!

Regjistri ështe regjistër publik pikërisht sepse:

1- Të gjithë duhet ta kenë njësoj të qartë se kush përfaqëson partinë;

2- Asnjëri të mos heqë, zëvendësojë, rishkruajë, falsifikojë letra sipas interesit politik të momentit.

Nëse ai autorizim i Lulit është firmosur ditën që Luli firmosi dorëheqjen, ai autorizimi i Lulit vlen po aq sa dorëheqja e Lulit.

Nese gjykata nuk e njeh dorëheqjen, nuk njeh as atë autorizim.

Kaq idiotë janë të gjithë bashkë saqë sot Luli e do vërtetimin për Kryetarin e PD-së, sic e ka shkruar Gjykata (ku del kryetar), por në KQZ nis Enkelejdin që të shkojë me një autorizim të lëshuar si i dorëhequr, siç nuk e njeh gjykata.

E gjitha pastaj shoqërohet me shpjegimet juridike të Nebil Çikës, i cili sqaron që edhe ai, kur paska dhënë dorëheqjen nga drejtimi i shoqatës së të përndjekurve, ashtu e paska bërë: ka autorizuar një tjetër që ta zëvendësojë derisa të bëhen zgjedhjet e reja!

D.m.th. Luli për demokratët ka dhënë dorëheqjen!

Dorëheqjen nuk e ka depozituar në gjykatë!

Sot Gjykata lëshon vërtetimin që Luli është ende kryetar për gjykatën!

Sot Luli nxjerr një letër ku ka firmosur delegimin e kompetencave atë ditë që dha dorëheqjen!!

Delegimin nuk e ka depozituar në Gjykatë!

Dhe këta pretendojnë të marrin në dorë, të shkruajnë dhe zgjidhin hallet e demokratëve dhe të gjithë Shqipërisë!

Është fat që përveç Nebil Çikës, Lulit, Gazit dhe Enkelejdit, në PD është jurist edhe Dash Sula me nja 3 të tjerë.

Imagjino sikur të mos kishin juristë fare!/CNA.al





Lajmet e fundit nga