LEXO PA REKLAMA!

SHKARKO APP

Zbardhen të tjera detaje nga abuzimi i KESH/ CNA.al sjell dokumentet, dy institucione përfshihen në skandal

9 Tetor 2021, 10:25, Aktualitet CNA
Zbardhen të tjera detaje nga abuzimi i KESH/ CNA.al sjell dokumentet, dy

CNA.al prej dy ditësh ka raportuar në lidhje me skandal të ndodhur në një ndër institucionet shtetërore shqiptare.

Bëhet fjalë për një kontratë abuzive, e firmosur nga KESH (Korporata Elektroenergjitike Shqiptare), për shkëmbim energjie. Një kontratë e cila është në disfavor të KESH.

CNA.al ka raportuar në dy shkrime të mëparshme, se ndërkohë që kryeministri Edi Rama paralajmëron krizë energjitike dhe rritjen e çmimit të energjisë, KESH i jep energji kompanisë private NOA Energy Trade.

Bëhet fjalë për një shkëmbim energjie, apo një sasi që KESH duhet t’ia japë kompanisë private NOA Energy, e cila këtë sasi do t’ia kthejë sërish Korporatës, brenda të njëjtës kohë. Pra, brenda të njëjtës ditë, por duke mos përcaktuar oraret.

Dhe skandali fillon pikërisht këtu. Pra, tek oraret e shkëmbimit të energjisë, sidomos gjatë javëve të fundit, kur çmimi i energjisë elektrike në treg, për megavat, është rritur.

Por, sipas kontratës, KESH i jep energji kompanisë private në pikun e konsumit ku çmimi ka arritur deri në 300 apo 400 euro për megavat. Ndersa kompania në fjalë, këtë energji ia kthen KESH-it, në orët e para të mëngjesit. Pra, në orën 4 apo 5 të mëngjesit, kur çmimi në treg është diku më pak se 50 euro.

Autoriteti i Konkurencës përfshihet në skandal

Por, në këtë skandal është përfshirë edhe një tjetër institucion shtetëror.

Behët fjalë për Autoritetin e Konkurencës, i cili ka miratuar kontratën në fjalë.

CNA.al ka siguruar ka siguruar dokumentet që tregojnë sesi Autoriteti i Konkurencës i ka dhënë avantazh një kompanie që fiton miliona euro. Pra, kjo kompani, NOA Energy, është e vetmja që Autoriteti i Konkurencës i ka dhënë të drejtë të marrë energji nga KESH. Duke krijuar kështu një monopol.

E para skandali qëndron në faktin se KESH mund ta shiste vetë këtë energji, dhe të përmirësonte financat.

E dyta, kontrata është shpallur si zgjidhje për shkak të sasive të tepërta të energjisë që prodhon KESH dhe depozitim të tyre. Por në fakt, për këtë rast për shkak të kësaj krize, apo për shkak të rritjes së madhe të çmimit të energjisë dhe mungesës së saj në treg nuk kemi të bëjmë me një depozitim energjie, por kemi të bëjmë me një skemë të qartë, ku një kompani private po fiton qindra apo miliona euro në kurriz të një kompanie shtetërore shqiptare.

Së treti, lind pyetja, pse vetëm kësaj kompanie? Pse është krijuar monopol?

Por, çfarë kuptimi ka që KESH i jep mijëra megavat një kompanie private, kur ka krizë energjitike? E thënë kjo nga vetë kryeministri Edi Rama.

Në vijim CNA.al do të publikojë të tjera dokumente që tregojnë sesi është filluar kjo skemë, dhe deri tani kur fitohen miliona euro në kuriz të KESH,/CNA.al

Thellohet skandali/ KESH humbet miliona euro nga shkëmbimi i energjisë

Kontrata kriminale/ KESH, humbje miliona euro me shkëmbimin e energjisë

Lajmet e fundit nga