web counter
LEXO PA REKLAMA!

SHKARKO APP

App Store
Google Play

Policia e Shtetit nuk mund të jetë banda e Mirel Mërtirit

3 Prill 2023, 18:43, Editorial CNA
Policia e Shtetit nuk mund të jetë banda e Mirel Mërtirit
Fotomontazh - Mirel Mërtiri, në sfond Policia e Shtetit

Mirel Mërtiri, apo “truri i inceneratorëve”, siç e ka quajtur SPAK, u shpall në kërkim rreth dy muaj më parë nga Policia e Shtetit.

Siç raportoi edhe CNA duke iu referuar burimeve zyrtare, mesditën e 9 shkurtit të këtij viti u kryen procedurat për shpalljen në kërkim ndërkombëtar të shtetasit Mirel Mërtiri, pas kërkesës së prokurorit.

Ky hap i Policisë së Shtetit erdhi 48 orë pasi CNA denoncoi skandalin se “truri” i një megaafere nuk ishte shpallur në kërkim ndërkombëtar.

Kështu ai lëvizte i lirë kudo në Evropë, ndonëse në Shqipëri kërkohej për aferën në inceneratorin e Elbasanit dhe të Fierit.

Për këtë arsye, CNA iu drejtua me një shkrezë zyrtare Policisë së Shtetit më 13 shkurt, ku e pyeste nëse shtetasi Mirel Mërtiri ishte shpallur në kërkim ndërkombëtar.

Policia e Shtetit nuk mund të jetë banda e Mirel Mërtirit

Gjithashtu, CNA pyeti Policinë nëse shtetasit Mirel Mërtiri, Stela Gugallja, Klodian Zoto dhe Giuseppe Ciaffaglione ishin ndaluar dhe nëse kishin filluar procedurat e ekstradimit për znj. Gugallja.

Policia e Shtetit nuk mund të jetë banda e Mirel Mërtirit

Policia e Shtetit nuk mund të jetë banda e Mirel Mërtirit

Sot pas 49 ditësh, ende nuk ka një përgjigje zyrtare nga ky institucion që përfaqëson ligjin.

Policia e Shtetit nuk mund të sillet si banda e Mirel Mërtirit, të fshehë informacionin dhe mos publikojë të dhënat për një nga personat që cilësohet nga SPAK si TRURI i AFERES TE INCENERATOREVE. Ligji duhet të funksionojë njësoj për të gjithë, duke hedhtu Policia e Shtetit po sillet si pjesë e BANDES SE INCENERATOREVE.

Policia nuk ka pse e fsheh faktin që Mirel Mërtiri, “truri” i inceneratorëve është në kërkim ndërkombëtar. Ndonëse ky akt u ndërmor me shumë vonesë, së paku policia duhet të bëjë transparencë.

Në fakt, ky qëndrim na tregon vetëm një gjë, që Policia e Shtetit është e përfshirë në aferën e inceneratorëve me procedura të tejzgjatura, me hapa të vonuara dhe me moskapjen e njerëzve të inceneratorëve, të cilët kanë përfituar kontrata koncensionare prej afërsisht 480 milionë euro nga qeveria shqiptare./ CNA.al





Lajmet e fundit nga