web counter
LEXO PA REKLAMA!

SHKARKO APP

App Store
Google Play

E fundit!

x

Faktet - “Top Story” për inceneratorët një FAKE NEWS dhe shantazh ndaj SPAK-ut

11 Prill 2023, 17:34, Denoncim CNA
Faktet - “Top Story” për inceneratorët një FAKE NEWS
Fotomontazh - Herman Daniel Vermulen, Saimir Vishaj, Faraudin Arapi, Ylli Manjani, Grida Duma, Ornela Çuçi dhe Mirel Mërtiri

Dje televizioni në ortakëri me inceneratorët, “Top Channel”, ka përgatitur një “Top Story” nga Grida Duma, e cila la mandatin e deputetes për rrogën e moderatores në “Top Channel”, ku na ka thënë se inceneratorët janë shumë të mirë dhe jetojmë shumë të lumtur mes tyre, pavarësisht se shqiptarëve të varfër, landfilli i Tiranës bashkë me inceneratorin mund t’u kushtojë, sipas gazetarit Klodian Tomorri, me të ardhura 1.2 miliardë dollarë, ndërsa kemi dy inceneratorë të Fierit dhe të Elbasanit, që nuk funksionojnë apo që janë me kosto shumë të larta, të cilat kanë shkuar rreth 60 milionë dollarë bashkë me TVSH.

Tani t’i shohim një nga një faktet pse ishte një shantazh ndaj prokurorëve dhe një “fake news” i plotë.

Faktet - “Top Story” për inceneratorët një FAKE NEWS

Së pari, administratori Farudin Arapi, që ka në administrim inceneratorin e Fierit dhe të Elbasanit, gënjeu.

Ai tha se ka kushtuar 32 milionë euro. Nuk është e vërtetë. Ka kushtuar shumë më tepër dhe, tjetra, inceneratori i Fierit duhet të kishte përfunduar disa vite më parë, sot jemi në vitin 2023 e inceneratori i Fierit nuk punon, është jashtë funksionit dhe ka persona të akuzuar në SPAK për korrupsion. Çështja është në gjykatë dhe Arapi një pensionist në punë ende po sillet si menaxher në shërbim të pronarëve të inceneratorëve dhe për këtë ai duhet hetuar.

0Faktet - “Top Story” për inceneratorët një FAKE NEWS

Së dyti, një zëvendësministre e Rilindjes, Ornela Çuçi, e cila foli se sa të mirë ishin inceneratorët. Patjetër ish-zëvendësministrja e Edi Ramës, e cila u emërua në vitin 2017, duket se është në konflikt të pastër interesi dhe po bën avokati publike dhe politike.

Nuk e dimë a është paguar nga paratë e inceneratorëve dhe nga cili incenerator, nga i Fierit, Elbasanit apo i Tiranës.

Faktet - “Top Story” për inceneratorët një FAKE NEWS

Së treti, Saimir Vishaj, i cili fliste në rolin e avokatit dhe thoshte se nuk mundet që partitë politike të denoncojnë inceneratorët. Patjetër që munden. Korrupsionin e denoncon opozita, SPAK-u heton dhe nëse ka akuza i çon përpara gjykatës.

Kështu ka ndodhur. Janë përpara gjykatës, të akuzuar për inceneratorin e Fierit dhe Elbasanit: Stela Gugallja, Klodian Zoto dhe “truri” i tyre, Mirel Mërtiri, të cilët kanë lidhje të forta edhe me inceneratorin e Tiranës.

Faktet - “Top Story” për inceneratorët një FAKE NEWS

Së katërti, Ylli Manjani nuk zhgënjen kurrë. Një socialist i thekur, që nuk pranoi të ishte rilindas, ministër i Ramës, shkoi te LSI-ja pasi Rama e la jashtë listave, por tani bën rolin e opozitarit, i cili është në konflikt të pastër interesi.

Ai është mik i ngushtë i Lefter Kokës dhe tha se nuk kanë të provuar akuzat për Lefter Kokën.

Në fakt, nga të gjitha procedurat e SPAK-ut, nga të gjitha përgjimet e gjetura dhe nga provat, kanë dalë kompani që shisnin e blinin sheqer dhe më pas faturonin çimento apo punonjës të firmave të Lefter Kokës dhe familjarëve të tij, pa folur këtu për ndonjë pazar të mundshëm për të shpëtuar të tjerë në këtë histori.

Faktet - “Top Story” për inceneratorët një FAKE NEWS

Së pesti, TOP-i dhe vetë Grida Duma apo i duhet lënë Top-it si ortak dhe Lorit që shkon në Vjene?  Grida gjoja ka bërë rolin e gazetares, por duket që ishte në rolin e avokates së inceneratorëve duke moderuar edhe një shantazh publik ndaj SPAK-ut.

Në fakt, "Top Story" drejtuar dikur nga ai që TOP-i e quajti gjobaxhi ka qene në shërbim të Mirelit dhe kompanisë të inceneratorit të Tiranës, se ndryshoi moderatori nuk do ndryshonte qëllimin.

Për Lorin, Mirelin, Vjollcën dhe autorin e akuzuar si gjobaxhi ka fakte të tjera që ska Tigër, Mirel, Klodi, Gridë, Lori, Vjollcë apo Lali e Luli, me Monë e Sali që i ndal.

Faktet - “Top Story” për inceneratorët një FAKE NEWS

Së gjashti, është administratori i kompanisë, i cili për të dytën herë del publikisht dhe gënjen duke thënë se nuk ka lidhje me Klodian Zoton, Mirel Mërtirin dhe njerëzit e tij që e kanë emëruar, si Ciaffaglione.

Ndërsa CNA ka treguar sot me dokumente dhe fakte se Mirel Mërtiri, i njohur si truri i inceneratorëve sipas SPAK, është paguar dhe vazhdon të paguhet nga kompania “Geogenix” edhe pasi është shpallur në kërkim ndërkombëtar.

Thotë se nuk ka lidhje me Klodian Zoton, ndërkohë që Klodian Zoto është themeluesi i kompanisë të inceneratorit të Tiranës, thotë se nuk ka lidhje me personat në kërkim, ndërkohë që Giuseppe Ciaffaglione, aksioner me 30% dhe ish-administrator i landfillit të Tiranës, është shpallur në kërkim ndërkombëtar dhe kompania “Geogenix” po i paguan gjyqin në Itali.

Këto janë pak nga faktet, për një emision me porosi të gënjeshtërt, prodhuar në “Top Channel”, televizion në ortakëri me njerëzit e inceneratorëve, të shpallur në kërkim ndërkombëtar. Konflikt i pastër interesi, pasi kanë bërë emision për njerzit që i kanë ortakë ose i paguajnë për këto emisione. 

Televizioni që ka marrë qindra mijëra euro muajt e shkuar nga inceneratorët 0është e provuar ortakëria me inceneratorë dhe avokatia që “Top Channel”, një televizion kombëtar, po u bën inceneratorëve. Një televizion kombëtar që mbron një aktivitet, ku janë arrestuar 30 veta. Ky televizion, që disa javë më parë ishte opozita më e madhe, sot është kthyer në “Big Brother”-in e inceneratorëve./ CNA.al





Lajmet e fundit nga