LEXO PA REKLAMA!

SHKARKO APP

Video - Plehrat dhe ujërat e zeza, në mes të rrugës/ Gjendja skandaloze pranë “Bulevardit të Ri”

11 Prill 2023, 15:59, Denoncim CNA

Video - Plehrat dhe ujërat e zeza, në mes të rrugës/ Gjendja

Sekretari i Përgjithshëm i Partisë së Lirisë, Tedi Blushi, ka denoncuar gjendjen skandaloze në rrugën “Sotir Polena” pranë “Bulevardit të Ri”.

Blushi ka publikuar në rrjetet sociale pamjet e kësaj rruge, e cila shihet se është me gropa e për më tepër është “pushtuar” nga plehrat dhe ujërat e zeza.

Ai deklaron se banorët në këtë lagje i paguajnë rregullisht taksat, por prej tetë vitesh ata ndihen të braktisur dhe të vjedhur.

“Plehrat dhe ujërat e zeza po përmbytin lagjet pranë 'Bulevardit të Ri', por Erion Veliaj e shpall Tiranën, qytetin më të pastër në rajon.

Për grumbullimin dhe trajtimin e tyre të paktën 100 mijë euro paguhen çdo ditë për inceneratorin e Tiranës që nuk ekziston, ndërkohë në rrugën 'Sotir Polena' në Njësinë Nr.9, mbetjet urbane nga kodra po bëhen mal.

Banorët në këtë lagje i paguajnë rregullisht taksat, por prej tetë vitesh ata ndihen të braktisur dhe të vjedhur.

Me 350 milionë euro buxhet vjetor, të mjaftueshëm për të shtruar edhe rrugët e Parisit, Bashkia e Tiranës jo vetëm nuk u pastron mbetjet, por as u asfalton rrugën.

Më 14 maj është dita për të ndëshkuar me votë!”, thekson ai./ CNA.al

Lajmet e fundit nga