LEXO PA REKLAMA!

SHKARKO APP

Opozitë nga “Top Channel” apo “Top Inceneratori”

9 Dhjetor 2022, 11:54, Aktualitet CNA
Opozitë nga “Top Channel” apo “Top Inceneratori”
Foto-montazh

“Top Channel” ka filluar të bëjë opozitë, të marrë rolin e një medieje që sulmon qeverinë. Në fakt ajo është që duhet të ketë media, opozitarizmi, interesi qytetar, një gjë që “Top Channel” nuk e ka bërë në këto 9 vite të Rilindjes.

Por a po e bën “Top Channel” këtë oponencë ndaj qeverisë për parime dhe për interes të qytetarit?

Në fakt, jo, nuk duket e tillë. Nuk duket e tillë për shkak të formës që ka. Së pari, sulmet e “Top Channel” ndaj qeverisë janë për çështje të caktuara, të cilat shihen me investime madhore në vend.

Opozitë nga “Top Channel” apo “Top Inceneratori”
Foto ilustruese

Më pas përpiqen të japin gjëra të vogla sociale për të nxjerrë një bllok opozitarizimi. Sulmojnë dhe shkruajnë për rrugët, sulmojnë dhe shkruajnë për investimet, për shembull në rastin e Portit të Durrësit, ndërkohë që në këto vite, pra aktiviteti i “Top Channel” kurrë nuk ka pasur kronika të tilla.

Dhe Durrësi që sulmohet nuk është bërë në një ditë nga qeveria, por ka vite që diskutohet dhe “Top Channel” ka qenë pro, ka me qindra kronika pro, në lidhje me rrugët, me autostradat, ka me qindra të tjera pro. Ka ndonjë tek-tuk siç është Kashar-Thumana, që ka mbajtur një qëndrim kundër, por dhe kjo nuk është për hall të shqiptarëve dhe se po shpenzohen paratë e buxhetit, jo, aspak, është për hall të negocimit me pronarin e atij koncensioni. Siç është edhe halli i negocimit me këtë koncensionin e ri për të marrë pjesën që u takon dhe pas tyre vjen dhe Durrësi e kështu me radhë.

Për të parë se sa opozitar është “Top Channel” do të na duhet të presim të shkruhet për inceneratorët. Inceneratorët janë një aferë korruptive, të cilën kërkojnë ta shesin si evazion fiskal. Inceneratorët janë 430 milionë euro kontratë në Tiranë dhe mbi 50 milionë euro kontratë në Fier dhe Elbasan, të provuara si aferë korruptive.

Një ministër dhe një sekretar i Përgjithshëm janë arrestuar. “Top Channel” nuk flet për to. “Top Channel” ka marrë miliona euro nga inceneratorët dhe vazhdon të paguhet nga kompanitë e tyre apo të lidhur me ta edhe sot e kësaj dite. Prandaj dhe propaganda që shikojnë njerëzit në ekran nuk është opozitarizëm. Nuk është akuzë ndaj qeverisë sepse ky televizion ka moral dhe po bën misionin e tij të vërtetë të jetës dhe se po lufton në krah të qytetarëve, nuk është e tillë. E vërteta është krejt ndryshe. Ai është televizion i paguar nga inceneratorët. “Top Channel” është ekrani kryesor i Mirel Mërtirit, Klodian Zotos dhe Stela Gugalles.

Opozitë nga “Top Channel” apo “Top Inceneratori”
Foto-montazh

“Top Channel” është televizioni i ortakërisë me Klodin, Mirelin dhe me Stelën.

Vjollca Hoxha është ortake në të paktën dy kompani. Lori Hoxha dhe trashëgimtarët e Dritan Hoxhës janë ortakë me Mirelin dhe Klodin te “Lori Caffe”.

Tashmë të gjithë po flasin nëpër korridore se i paska dhënë dhe “Top News”-in, por kjo ka pak rëndësi se çfarë kanë marrë njerëzit e inceneratorëve sot në “Top Channel”. Sot është provuar se “Top Channel” ka marrë miliona euro nga inceneratorët. “Top Channel” ka bërë me qindra kronika dhe emisione pro inceneratorëve, pro asaj afere.

Sot del e flet sikur nuk ka ndodhur asgjë, por nga ana tjetër ende nuk ka kërkuar ndjesë publike pse i mbështeti inceneratorët, ende nuk ka asnjë kronikë dhe asnjë investigim mbi inceneratorët, mbi aferën e shekullit, e cila tashmë është e provuar, por thjesht dhe vetëm disa media nuk duan të flasin, duan sërish të mbyllin gojën apo të bëjnë një lojë që ta çojë në përfundimin e akuzës thjesht dhe vetëm evazion fiskal.

Por nuk ka për të qenë kurrë e tillë. Inceneratorët janë një aferë korruptive, me paratë e të cilëve është paguar edhe “Top Channel” që sot gjoja po na bëka moral publik kundër qeverisë.

Opozitë nga “Top Channel” apo “Top Inceneratori”
Foto ilustruese

Po a mund të bëjë moral “Top Channel” i inceneratorëve? A mund të ketë moral kjo media shërbëtore e paepur e pushtetit? A mund të kërkohet morali aty ku nuk ka ngelur më asgjë?

Përtej kronikave me frymë opozitarizmi, “Top Channel” ngelet një instrument i keqpërdorur, i përfshirë dhe i paguar nga afera e inceneratorëve dhe kompani klienteliste me qeverinë. Jo thjesht dhe vetëm për reklama, jo thjesht dhe vetëm për biznes. Inceneratorët kanë qenë ortakëri direkte dhe SPAK-u duhet t’i hetojë, nuk mund të rrijë dhe t’i shikojë./ CNA.al

 

Lajmet e fundit nga