web counter
LEXO PA REKLAMA!

SHKARKO APP

App Store
Google Play

“Gerti Shehu u ushqye nga Rama”/ Këlliçi: Donte të irritonte turmën

8 Dhjetor 2022, 22:35, Aktualitet CNA
“Gerti Shehu u ushqye nga Rama”/ Këlliçi: Donte të
Kandidati i PD-së për bashkinë e Tiranës, Belind Këlliçi

Kandidati i PD-së për Bashkinë e Tiranës, Belind Këlliçi, ka folur sërish për sulmin ndaj kreut të PD-së, Sali Berisha gjatë protestës së 6 dhjetorit.

Këlliçi tha në emisionin “Opinion” se agresori Gerti Shehu ishte ushqyer me urrejtje nga kryeministri Edi Rama me fjalimet që ky i fundit ka mbajtur në parlament.

Sipas tij, kreu i qeverisë ka dashur të irritojë turmën dhe të krijonte përplasje me policinë për t’u futur në kryeministri.

“Shumë normale është, po ta shihini dhe nga aktiviteti i tij e shini që është i motivuar fill pas ngjarjes që është skandaloze dhe opinioni publik është sensibilizuar. Por, nuk mund të rri pa përmendur se kush mendonte ta gjunjëzonte, ka menduar gabim, pasi Berisha nuk tërhiqet. Është një vendim i gjykatës së Tiranës në vitin 2017, ku banditi që goditi Berishën ka qenë i dënuar dhe ai nuk është me të meta mendore dhe kështu bie që ai ka probleme mendore. Të gjitha faktet tregojnë se kjo ka qenë e parapërgatitur. Të gjitha argumentet të çojnë te fakti që është i organizuar, ky që goditi Berishën, ku fare mirë mund ta kishte goditur në vende të tjera, kur vinte në selia apo në aktivitete të tjera.

Në momentin që ai është kapur është shprehur ishte shprehur se ishte për tu bërë ky akt dhe kreva një gjë që duhej bërë. Që është e organizuar është e organizuar. Edi Rama me gjuhën e tij, në parlament kemi parë që shan deputetët, ai e ka ushqyer këtë. Në publikimet e hakerave të Policisë është një i infiltruar dhe një kontingjent. Është gjetur një njeri me precedent dhe është përdorur për të dhënë një mesazh të qartë për të trembur. Është pritur që atë ditë të ndodhet hataj, turma të irritohej, të shkonte te kryeministria, ku zhvillohej samiti dhe të përdorej. Berisha foli në foltore që të shmangej skenari i përplasjes. Do të krijonte problem. Çfarë nuk kam dëgjuar në raportet që bëhen për ne dhe që mbështesim Berishën si deputet. E gjitha kjo bëhet për të krijuar një skenar që Berisha rrethohet nga mercenarë që dhunojnë, por kjo gjë nuk është e vërtetë”, theksoi ai./ B.A. – CNA.al





Lajmet e fundit nga