LEXO PA REKLAMA!

SHKARKO APP

"Patëm frikë dhe hezitim"/ Drejtori i kabinetit të Berishës tregon momentin kur u qëllua kreu i PD-së

8 Dhjetor 2022, 16:18, Aktualitet CNA

"Patëm frikë dhe hezitim"/ Drejtori i kabinetit të

Drejtori i kabinetit të kreut të PD-së, Akil Kraja, ka folur për momentin kur kreu i PD-së, Sali Berisha, u godit nga 31-vjeçari Gerti Shehu.

Në një intervistë me gazetaren Nisida Tufa, ai shprehet se në ato momente frika më e madhe ishte agravimi i situatës.

Pjesë nga biseda:

Si e mësuat goditjen e Berishës në protestën e 6 dhjetorit?

Protesta e 6 dhjetorit ishte akti më europian që mund të bëhej atë ditë. Nga njëra anë ishte një aktivitet propagandistik i qeverisë që kërkonte të shfaqte një realitet të gënjeshtërt. Nga ana tjetër ishte një protestë paqësore dhe demokratike. Në atë moment isha afër urës dhe si shumë deputetë të tjerë, po prisnim Berishën të na afrohej. Të gjithë në atë moment u bllokuam, patëm frikë, hezitim.

Kishit frikë se mund të shkonte më keq?

Patjetër. Ne ishim te hotel "Dajti", ndërsa agresioni ndodhi tek ura e vogël te kisha katolike. Këto janë momente ku dalin në pah dhe kapacitetet politike dhe njerëzore. Nuk kaluan pak minuta që ndodhi dhe Berisha u ngjit në podium për të dhënë mesazhin që ne jemi këtu për demokracinë.

Keni fakte të tjera për agresorin?

Individi është kontigjent i policisë dhe përdorej nga policia për çështje droge. Është konfirmuar që kemi të bëjmë me një individ që ka këtë lidhje. Ishte një atentat që dështoi. Atentatori që kërkonte të dëmtonte protestën ishte i lidhur me policinë. Kush kishte interes që ky aktivitet demokratik të dështonte? Edi Rama. Interesi i tij është evident.

Keni komunikuar me Berishën?

Ditën e protestës fjalimi i tij ishte i plotë. Më la një porosi pune në 1.30 të natës. Ishte para kompjuterit. Jemi në një realitet kur vetëm terrori mund ta mbajë këtë presion.

Berishën e shihni më të motivuar?

Ishim sot në mëngjes të prisnim Stipe Mesiç, një figurë të jashtëzakonshme të Ballkanit. Opozita shqiptare sot në sytë e europianëve të vërtetë është vetëm një, PD e Rithemeluar, një forcë politike që drejtohet nga Sali Berisha. Edi Rama me aktin e ulët, të turpshëm, kriminal vetëm sa e ka forcuar angazhimin e demokratëve. Ne jemi më të bashkuar se kurdo./CNA.al

Lajmet e fundit nga