web counter
LEXO PA REKLAMA!

SHKARKO APP

App Store
Google Play

E fundit!

x

"E duam Shqipërinë si gjithë Europa”/ Begaj: Ai dhjetor, do të ishte i fundmi dhjetor i pushtetit komunist

8 Dhjetor 2022, 09:12, Aktualitet CNA

"E duam Shqipërinë si gjithë Europa”/ Begaj: Ai

Presidenti Bajram Begaj ka përkujtuar 8 dhjetorin, që shënon rënien e komunizmit.

Me anë të një postimi në rrjete sociale, Begaj shkruan se 8 dhjetori i 32 viteve më parë i studentëve të Tiranës, do të ndante përfundimisht historinë e shtetit shqiptar në dy epoka.

“Ai dhjetor, do të ishte i fundmi dhjetor i pushtetit komunist, për të mbetur në histori edhe dhjetori i parë i lirisë në pluralizëm politik, për të mbetur përjetësisht edhe dhjetori që ndezi shpresën për demokracisë.

Ndaj, një popull që kishte përballuar aq e aq shumë sakrifica dhe pamundësi, mbushi sheshet e Tiranës dhe të gjithë Shqipërisë, përmes thirrjes studentore: 'E duam Shqipërinë si gjithë Europa!'”, shkruan Begaj.

Sipas tij, largpamësia dhe mençuria vizionare e studentëve shqiptarë të atij brezi, bëri bashkë menjëherë punëtorët dhe intelektualët, pedagogët dhe shkencëtarët, bëri me vete gjithë popullin shqiptar, i cili pa asnjë mëdyshje, por me bindje dhe vullnet patriotik përcaktoi edhe rrugën e së ardhmes së tij.

“Është pikërisht kjo arsyeja se pse 8 dhjetorin e nderojmë dhe e festojmë si Ditën Kombëtare të Rinisë, duke shprehur në këtë mënyrë sa mirënjohjen ndaj studentëve dhe të rinjve të asaj kohe, edhe përgjegjësinë dhe detyrimin ndaj rinisë shqiptare në çdo kohë.

Mesazhi i kësaj dite është amanet, është mision, është detyrim dhe përgjegjësi.

Idealet e studentëve të dhjetorit 1990 duhet të na frymëzojnë gjithnjë për të punuar me përgjegjësi, me seriozitet dhe përkushtim, në mënyrë që të vazhdojmë pa ndalur rrugën tonë të integrimit euroatlantik.

8 dhjetori është ëndrra e një brezi shprehur në thirrjen 'E duam Shqipërinë si gjithë Europa', por mbetet edhe aspirata e një kombi për ta bërë Shqipërinë si gjithë Europa”, përfundon Begaj./CNA.al





Lajmet e fundit nga