web counter
LEXO PA REKLAMA!

SHKARKO APP

App Store
Google Play

E fundit!

x

Majlinda Bregu zbulon detajet/ Tregon çështjet kryesore që u diskutuan në Samit

7 Dhjetor 2022, 23:15, Aktualitet CNA
Majlinda Bregu zbulon detajet/ Tregon çështjet kryesore që u
Sekretarja e Përgjithshme e Këshillit të Bashkëpunimit Rajonal (RCC), Majlinda Bregu

Sekretarja e Përgjithshme e Këshillit të Bashkëpunimit Rajonal (RCC), Majlinda Bregu, ka deklaruar se një nga idetë e Samitit që u mbajt një ditë më parë është që të mos ketë shkëputje ku BE të konsiderojë Ballkanin Perëndimor në skemat e solidaritetit dhe mbështetjes.

"Problemi i fondeve nga BE është problem që ekziston për gjithë vendet e rajonit. Projektet sot, sidomos për rajonin tonë, bëhen që të jenë të përbashkët. Ka projekte të tjera mes vendeve tona dhe BE.

Ideja është dhe e këtij Samiti dhe axhenda është të mos ketë shkëputje ku BE, ta konsiderojë Ballkanin Perëndimor të përjashtuar në skemat e solidaritetit dhe të mbështetjes", tha Bregu.

Gjatë një interviste me gazetarin Blendi Fevziu, Bregu tregoi edhe disa nga çështjet që janë diskutuar në Samit dhe mesazhet që u përcollën.

“Dje Samiti ka folur për energjinë, çështje tjetër kanë qenë edhe reformat e tregut të përbashkët të Ballkanit Perëndimor. Një treg ku janë të gjitha vendet u jep mundësinë njerëzve të kenë profesione të rregullta.

Kemi nevojë dhe domosdoshmëri që të jemi më interesant për tregun tonë, për të dalë nga varfëria të paraqesim projekte të përbashkëta”, është shprehur Bregu./ CNA.al





Lajmet e fundit nga