web counter
LEXO PA REKLAMA!

SHKARKO APP

App Store
Google Play

E fundit!

x

Samiti BE-Ballkani Perëndimor/ Xhaçka rendit arsyet, pse zgjodhën që të zhvillohej në Shqipëri

7 Dhjetor 2022, 22:48, Aktualitet CNA
Samiti BE-Ballkani Perëndimor/ Xhaçka rendit arsyet, pse
Foto ilustruese

Ministrja për Europën dhe Punët e Jashtme, Olta Xhaçka, ka zbuluar arsyet e përzgjedhjes së Shqipërisë për të zhvilluar një nga ngjarjet më historike atë të Samitit BE-Ballkani Perëndimor.

Në një lidhje të drejtpërdrejtë me gazetarin Blendi Fevziu, Xhaçka tha se një nga arsyet pse liderët europianë përzgjodhën Shqipërinë është fakti se, përveç rolit që Shqipëria ka në politikën e jashtme, BE përcolli mesazhin e një qasjeje të re ndaj vendeve të rajonit dhe një riafirmim i angazhimit të BE-së në të.

“Pa diskutim që nuk ka qenë një përzgjedhje rastësore do të thosha më të paktën. Por më lejo që ta them duke thënë që e djeshmja ishte padiskutim një ditë historike për Shqipërinë dhe shqiptarët duke qenë që 27 liderët e BE  dhe vendeve anëtare zgjodhën Shqipërinë për të parin samit që është në një vend jo anëtar.

E zgjodhën edhe për atë që përfaqëson Shqipëria sot në politikën e jashtme, edhe për faktin që Shqipëria është që është një faktor stabiliteti në rajonin e Ballkanit Perëndimor, edhe për rolin konstruktiv që luajnë shqiptarët jo vetëm në Shqipëri, por edhe në rajon. Përzgjedhja nuk ishte rastësore dhe këtë u kujdesën që ta thonin edhe liderët e vendeve anëtare, edhe presidenti i Këshillit, edhe presidentja e Komisionit.

Samiti ishte një riafirmim i angazhimit të BE në rajonin tonë, për të përshpejtuar procesin e integrimit edhe në kontekstin e sfidave të përbashkëta të sigurisë që po përjeton sot Europa dhe mbarë bota nga lufta e Rusisë në Ukrainë.

BE donte të përcillte një mesazh për mendimin tim, shumë të qartë, që duke u ulur në Shqipëri, me të gjitha vendet anëtare të BE dhe vendet e Ballkanit Perëndimor, duke u ulur si të barabartë mendoj që BE donte të përcillte një mesazh të fortë të një qasjeje të re ndaj vendeve të rajonit, të cilat gjithmonë e më shumë po shihen jo si dikur, siç thoni edhe ju, një proces që sa ç’duket sikur afrohet, aq edhe largohet, jo më si nxënës të cilët janë përfshirë në një proces sfidues reformash dhe transformimi që në fund do t’i lejonte anëtarësimin, por si partnerë”, tha Xhaçka./ CNA.al





Lajmet e fundit nga