LEXO PA REKLAMA!

SHKARKO APP

App Store
Google Play

Spartak Ngjela ngre pikëpyetje/ Kush e sulmoi Berishën?

7 Dhjetor 2022, 16:58, Aktualitet CNA
Spartak Ngjela ngre pikëpyetje/ Kush e sulmoi Berishën?
Avokati Spartak Ngjela

Avokati Spartak Ngjela, ka komentuar ngjarjen e një dite më parë, ku gjatë protestës së opozitës, u sulmua fizikisht, kreu i demokratëve Sali Berisha, nga 31 vjeçari Gert Shehu.

Gjatë një interviste në Euronews, Ngjela u shpreh se, nuk e priste këtë akt, por nuk dihet ende arsyeja apo motivi.

Sipas Ngjelës, edhe nëse një person ka probleme mendore, ka një motiv për dhunën, ndërsa avokati thotë se për këtë rast ende nuk është gjetur një motiv, arsyeja pse ka ndodhur sulmi.

Avokati ndër të tjera, u shpreh se tek agresori nuk i ka parë këto shenja të çrregullimit mendor.

Ndërkaq, Ngjela ngre pikëpyetjen se duhet të zbulohet fillimisht nga kush ka ardhur sulmi, nga shqiptarët, e ka bërë një person për hakmarrje apo të huajt.

“Nuk e prisja, por ishin agravuar shumë situatat me Saliun. Ne nuk e dimë arsyen kush e ka goditur dhe pse e ka goditur.

Një njeri që këta thonë me çrregullime, që unë nuk para i shoh ato, sepse nuk dimë motivin. Edhe një njeri që nuk është i rregullt mendëritsht ka një motiv, nuk e dimë motivin, pse i ra.

Për Saliun është fyerje e madhe. Ky është në garë politike. Kundërshtari në çdo moment i jep atë. Ajo ka dale në media, i ka rënë me grusht, do filloj fushata elektorale, atë do nxjerrin në çdo moment. Dhe do ta bëjnë spot.

Është fyerje, por kush e ka bërë dhe pse është bërë nuk e dimë. Mund të nxjerrim 10 versione. Pra kush e ka bërë një herë, e kanë bërë shqiptarët, e ka bërë një person për hakmarrje, apo e kanë bërë të huajt?”, ka thënë ndër të tjera Ngjela./ CNA.al

Lajmet e fundit nga