web counter
LEXO PA REKLAMA!

SHKARKO APP

App Store
Google Play

E fundit!

x

Dhuna ndaj Berishës/ Flet kreu i FRPD-së: I inskenuar, gjendja mendore është alibi

7 Dhjetor 2022, 15:56, Aktualitet CNA
Dhuna ndaj Berishës/ Flet kreu i FRPD-së: I inskenuar, gjendja mendore
Kryetari i FRPD-së, Besart Xhaferri

Kryetari i FRPD-së, Besart Xhaferri, ka folur mbi aktin e dhunës së një dite më parë, ndaj kreut të PD-së, Sali Berisha.

Gjatë një interviste, Xhaferri është shprehur se është një keqardhje që në një protestë paqësore t’i bëhet një sulm liderit të demokratëve.

Sipas kreut të FRPD-së, ky sulm ishte i inskenuar dhe krijoi panik e kaos te njerëzit ndaj agresorit.

Ndër të tjera ai shprehet se regjimi i Edi Ramës duhet të rrëzohet sa më shpejt.

 “Është një keqardhje shumë e madhe që një protestë paqësore t’i bëhet ky sulm liderit të saj. Një sulm prej burracakësh, dhe të atyre që e kanë organizuar që sot fshihen pas një kartele mjekësore të një spitali privat.

Jehonë mediatike që po bëhet kudo, e kam parë, që këtij personi po i nxjerrin video sikur është i sëmurë. Unë mendoj se është një situatë e inskenuar, dhe alibia është që ai nuk është mirë nga gjendja mendore. Unë isha diku 30 metra pas Berishës, ndodhi një kaos i madh në ato momente. Zoti Breçani po e shoqëronte si një ish-efektiv me eksperiencë, për ta shpëtuar nga turma e zemëruar.

Berisha është një lider dhe ish-president, dhe mbi të gjitha në moshë, dhe kurrsesi nuk mund t’i bëhet një sulm i tillë pasi mund të kishte pasoja. Protesta paqësore, nuk po them t’i vijë fundi, por të marrin një rrjedhë më të fortë, por kjo i takon si qëndrim liderit të partisë.

Unë si person, për mua është shumë e rëndësishme që ne të fillojmë sa më shpejt ta rrëzojmë këtë pushtet.

Unë jam i gatshëm t’u përgjigjem të gjitha detyrave të mia institucionale. Dje u kalua linja e kuqe. Respekti reciprok për sigurinë fizike e çdo lloj lideri duhet të garantohet nga ata që janë në krye të pushtetit", ka thënë Xhaferri./ CNA.al





Lajmet e fundit nga