LEXO PA REKLAMA!

SHKARKO APP

App Store
Google Play

“Kur isha i ri nuk mendoja çfarë duhej të bënte babi”/ Rama kthehet pas në kohë

7 Dhjetor 2022, 14:49, Aktualitet CNA

“Kur isha i ri nuk mendoja çfarë duhej të bënte

Kryeministri Edi Rama nga Brukseli ka dhënë një mesazh për të rinjtë

Ai bëri thirrje që t’i marrin vetë gjërat përsipër dhe mos të presin nga prindërit apo politika.

Kryeministri është kthyer pas në kohë, duke kujtuar veten kur ka qenë i ri, duek thënë se nuk priste nga babai apo të tjerë.

“Samiti dje s’kishte të bënte vetëm me diellin, valët, buzëqeshjen, kombinuar me folklorin tonë. Kishte të bënte me thelbin, kur vjen fjala për ndryshimin. Kur isha i ri nuk mendoja se ça duhej të bënte babi apo brezi në fuqi për mua, por mendoja ca mund të bëja vetë. Janë ata që duhet t’i marrin gjërat përsipër. Zogjtë duhet të vijnë nga mali, pylli deti dhe të sulmojnë. Nëse nuk sulmojnë rrini atje ku jeni, po flas për të rinjtë”, është shprehur Rama.

Ai ka marrë si shembull kryeministren e Italisë, përçapjet dhe angazhimin e saj në politikë.

“Dje isha me Gorgia Meloni. Ajo e nisi kur ishte e re dhe është rritur në distriktin e Romës dhe ka luftuar në çdo asamble studentore, organizatë partie, sot është kryeministre. Të rinjtë duhet ta nisin duke kuptuar që politika nuk është problemi, politika e zgjidh problemin. Merreni politikën në duart tuaja dhe përpiquni të ndryshoni gjërat. Politika jonë ka ndryshuar diçka thelbësore dje për të rinjtë. BE ka vendosur të përfshijë universitetet tona të rajonit në universitetet e BE. Kjo është e jashtëzakonshme sepse për ta bërë atë duhet të jesh anëtar. Të rinjtë e vendeve tona janë në pozita për të studiuar pa u larguar nga vendi në çdo universitete”, tha më tej Rama./CNA.a

Lajmet e fundit nga