E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

PD: Agresori i Berishës i infiltruar nga Policia e Shtetit, kemi burime të besueshme

7 Dhjetor 2022, 13:38, Aktualitet CNA

PD: Agresori i Berishës i infiltruar nga Policia e Shtetit, kemi burime

Anëtari i Kryesisë së Partisë Demokratike, Lisandër Hoxha, thotë se agresori i kreut të PD-së, Sali Berisha, është agjent i policisë së shtetit.

Hoxha i qëndron versionit të thënë një ditë më parë nga Berisha.

Sipas tij PD disponon burime të besueshme, që tregojnë se 31-vjeçari Gert Shehu, i cili goditi Berishën, është i infiltruar nga Policia e Shtetit.

Në një intervistë për "Euronews Albania", Hoxha u shpreh se është përdorur nga policia edhe në aksione të tjera.

PD: Agresori i Berishës i infiltruar nga Policia e Shtetit, kemi burime

“Po të shikoni të kaluarën e personit në fjalë, do të zbuloni aty që ka qenë i dënuar për posedim të lëndëve narkotike. Në gusht të këtij viti, ka qenë i kërkuar dhe i dënuar për rrahje dhe në atë moment është shfaqur edhe ky dokumenti, i cili nuk provon asgjë, është një vërtetim i një klinike pivate. Ju duhet ta dini mjaft mirë që për të lëshuar dëshminë e sëmundjeve psikologjike duhet komisioni dhe nuk mjafton një studio private.

Në këtë kontekst, ne kemi burime të besueshme që ai është një i infiltruar i Policisë së Shtetit, i cili është përdorur në aksione të caktuara të saj dhe është përdorur për të goditur politikisht kryetarin e opozitës, në mënyrë që Samiti të provokohej me trazira, të provokohej kryetari i opozitës dhe të provokohej e gjithë opozita.

Ne i kemi bërë publike faktet, i kemi bërë publike për qytetarët se nuk kemi asnjë pikë besimi te ky shtet, i cili fut agjentë të infiltruar për të goditur opozitën dhe ju siguroj që çfarë ka deklaruar kryetari i opozitës janë të vërteta. Shkoni dhe investigoni mbi të kaluarën kriminale të personit në fjalë, shkoni dhe investigoni pranë Policisë së Shtetit. Jam i sigurt që ka edhe oficerë të ndershëm dhe kërkoni informacion për këtë bashkëpunëtor i policisë”, u shpreh Hoxha./CNA.al