E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Kancelari gjerman publikon foto nga Tirana/ "6 vendet e Ballkanit Perëdimor, pjesë e familjes europiane"

7 Dhjetor 2022, 09:37, Aktualitet CNA

Kancelari gjerman publikon foto nga Tirana/ "6 vendet e Ballkanit

Olaf Scholz

Kancelari gjerman Olaf Scholz, ka publikuar një foto nga aeroporti “Nënë Tereza” në Tiranë.

Në postimin e tij në rrjetet sociale, ai ka shkruar se tashmë Ballkani Perëndimor është pjesë e familjes europiane, duke treguar kështu se Samiti i djeshëm do të pasojë me të tjera zhvillime pozitive sa i takon integrimit në Bashkimin Europian.

“Gjashtë vendet e Ballkanit Perëndimor janë pjesë e familjes evropiane. Ky sinjal buron nga samiti BE-Ballkani Perëndimor, ku mora pjesë sot së bashku me homologët e mi nga vendet e tjera anëtare të BE-së. Është mirë që ky takim i rëndësishëm u zhvillua fillimisht në vetë rajonin - në kryeqytetin e Shqipërisë, Tiranë.

Pothuajse 20 vjet më parë, BE i tregoi Ballkanit Perëndimor perspektivën e anëtarësimit. Por ne nuk kemi arritur aq larg sa mendonim në atë kohë. Prandaj është e rëndësishme që këtij procesi të anëtarësimit t'i jepet tani një shtysë e re.”- shkruan Scholz krahas fotos.

Postimi i plotë:

Gjashtë vendet e Ballkanit Perëndimor janë pjesë e familjes evropiane. Ky sinjal buron nga samiti BE-Ballkani Perëndimor, ku mora pjesë sot së bashku me homologët e mi nga vendet e tjera anëtare të BE-së. Është mirë që ky takim i rëndësishëm u zhvillua fillimisht në vetë rajonin - në kryeqytetin e Shqipërisë, Tiranë.

Pothuajse 20 vjet më parë, BE i tregoi Ballkanit Perëndimor perspektivën e anëtarësimit. Por ne nuk kemi arritur aq larg sa mendonim në atë kohë. Prandaj është e rëndësishme që këtij procesi të anëtarësimit t'i jepet tani një shtysë e re.

Sigurisht, si BE, ne kemi pritshmëri të qarta edhe nga vendet e Ballkanit Perëndimor. Për shembull, ne presim që vendet e anëtarësimit të përafrohen me politikën e sanksioneve të Bashkimit Evropian kundër Rusisë. E kam thënë shumë qartë në Tiranë.

Samiti i sotëm ishte një angazhim për zgjerimin e Bashkimit Evropian. Një hap i rëndësishëm i ndërmjetëm për vendet e Ballkanit Perëndimor - dhe një shenjë shprese./CNA.al