LEXO PA REKLAMA!

SHKARKO APP

App Store
Google Play

“Me një dokument të pavlerë”/ Spahia: Policia na hodhi hi syve për agresionin

6 Dhjetor 2022, 20:32, Aktualitet CNA
“Me një dokument të pavlerë”/ Spahia: Policia na
Bardh Spahia

Një tjetër reagim ka ardhur për gjuatjen me grusht të kryetarit të PD-së në nisje të protestës nga Gerti Shehu.

Ka qenë Bardh Spahia, ai i cili ka dënuar ashpër këtë sulm dhe ka hedhur akuza ndaj drejtorit të Policisë së Shtetit, Muhamet Rrumbullaku.

Me anë të një statusi në rrjetet sociale, Spahia thotë se deklarata e Rrumbullakut faktoi organizatorin e vërtetë të kësaj ngjarjeje, që sipas tij është kryeministri Edi Rama.

“Nuk ka asnjë dyshim se kush është organizatori i vërtetë i sulmit ndaj kryetarit të opozitës z.Berisha. Deklarata e Policisë së Shtetit jo vetëm e konfirmoi, por edhe e faktoi.

I vetmi preokupim i Policisë së Shtetit ishte që të justifikonte agresorin dhe e bëri duke na shfaqur para syve një vërtetim pa asnjë vlerë mjekësore e ligjore. Shqetësimi më i madh në deklaratën e hartuar enkas për ta lexuar drejtori i policisë ishte për ta quajtur të sulmuarin, deputeti Berisha.

Në çdo rresht të saj, deklarata e institucionit që do të duhej të ishte në krah të ligjit dhe profesionalizmit, synonte të minimizonte figurën e z.Berisha dhe më kryesorja mos ta konsideronte lider të Opozitës, të asaj opozite që mbush sheshet e vendit. E gjitha kjo në të njëjtën linjë me porosinë dhe presionin e Edi Ramës ndaj gjykatave për mos ta njohur opozitën. Por ndryshe nga Rama dhe njerëzit e tij, sot mbarë shtypi ndërkombëtar i referohet z.Berisha si lideri i opozitës.

Ngjarja e sotme ishte një provokim kriminal e tepër i rrezikshëm me qëllimin për t’i mbyllur gojën opozitës por edhe për ta nxjerrë opozitën si të dhunshme sepse ky akt mund të inicionte një spirale dhune e përplasjeje sociale, e cila u evitua falë qetësisë e maturisë së Dr. Berishës dhe opozitës së vertetë shqiptare e vlerave europiane që ajo më së miri përfaqëson”, shkruan ai./ B.A. – CNA.al

Lajmet e fundit nga