LEXO PA REKLAMA!

SHKARKO APP

Kur do të anëtarësohet Shqipëria në BE?/ Rama: Sapo kemi nisur, duhet të bëjmë detyrat e shtëpisë

6 Dhjetor 2022, 16:39, Aktualitet CNA
Kur do të anëtarësohet Shqipëria në BE?/ Rama: Sapo
Kryeministri Edi Rama

Kur do të anëtarësohet Shqipëria në BE? Kjo ka qenë pyetja që është drejtuar në konferencën për shtyp që kryeministri Edi Rama po mban me Presidentin e Këshillit Europian, Charles Michel, dhe Presidenten e Komisionit Europian, Ursula von der Leyen.

Rama tha se Shqipëria sapo ka nisur rrugën e anëtarësimit, ndërsa theksoi se si fillim duhet të bëjmë detyrat e shtëpisë.

Do të thoja që është e padrejtë ta thuash këtë sepse ecuria, përparimi që është bërë, sidomos në periudhën e fundit dhe pa diskutim edhe për shkak të luftës, është i jashtëzakonshëm.

Është diçka krejt ndryshe, më lini ta përmbyll pjesën time duke thënë, kur vjen fjala për anëtarësimin, duhet të bëjmë detyrat tona të shtëpisë. Ua thashë dhe ua them të gjithëve dhe nuk kam ndryshuar mendim, ju thosha se na duhet të kemi instrumentet e procesit të anëtarësimit për të forcuar institucionet tona, për të arritur në nivelin e një shteti në nivelin e BE-së. Kam të njëjtin mendim edhe sot. Duhet të bëjmë detyrat e shtëpisë. Sapo kemi nisur”, theksoi kreu i qeverisë./ B.A. – CNA.al

Lajmet e fundit nga