LEXO PA REKLAMA!

SHKARKO APP

E ëma e Gert Shehut i kërkon falje Berishës/ "Ka probleme të shëndetit mendor"

6 Dhjetor 2022, 16:20, Aktualitet CNA

E ëma e Gert Shehut i kërkon falje Berishës/ "Ka probleme

Ermira Kaçaçi, nëna e 31-vjeçarit që goditi sot me grusht kreun e PD-së, Sali Berisha, është shprehur në një intervistë për "Euronews Albania" se djali i saj vuan nga probleme të shëndetit mendor.

Ajo u bëri thirrje politikanëve që të mos e shfrytëzojnë këtë ngjarje si politike.


E ëma nënvizoi se djali i saj nuk është simpatizant i asnjë partie politike dhe i kërkoi ndjesë Sali Berishës për aktin që kreu sot djali i saj.


“Fatkeqësia e djalit tim nuk dua të që të shfrytëzohet nga policia. Punonte si motorist, shpërndante pica. Nuk ka as shokë, as shoqe që merret me këto. Absolutisht nuk është përdorur. Problemet e tij ai i ka pasur të ndryshme. Absolutisht nuk kishte ndonjë simpati politike. As për të votuar nuk shkon. Unë nuk e di pse ka shkuar sot në protestë. I kërkoj ndjesë atij që i gjuajti, z. Berisha. Nuk dua që një parti politike të merret me hallet e tij. Më vjen shumë keq që merren me fatkeqësitë”, u shpreh e ëma.

NGJARJA: 

Gerti Shehu, 31 vjeç, sulmoi mesditën e së martës kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë.

31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së.

31-vjeçari u shoqërua nga policia dhe aktualisht po merr mjekim në spitalin e Traumës, pasi ka dëmtime në fytyrë dhe fraktura në hundë.

Oficerët kanë tentuar dy herë për të marrë në pyetje të riun, por për shkak të gjendjes së tij shëndetësore, ai nuk ka dhënë deri tani asnjë dëshmi.

Dyshohet se 31-vjeçari vuan nga probleme të shëndetit mendor./Euronews

Lajmet e fundit nga