LEXO PA REKLAMA!

SHKARKO APP

Flet nëna e Gert Shehut/ "Djali ka 5 vjet që mjekohet"

6 Dhjetor 2022, 16:20, Aktualitet CNA

Flet nëna e Gert Shehut/ "Djali ka 5 vjet që mjekohet"

Ermira Kaçaçi, nëna e 31-vjeçarit Gert Shehu, i cili sot sulmoi me grusht kreun e PD-së, Sali Berisha, gjatë protestës së PD-së, hodhi poshtë akuzat se djali i saj është agjent krimesh apo i lidhur me policinë.

Në një intervistë ekskluzive për gazetarin e "Euronews Albania", Eni Ferhati, nëna e 31-vjeçarit tha se djali i saj ka çrregullim bipolar dhe mjekohet prej 5 vjetësh.


“Ai nuk është as agjent, as ka lidhje me policinë. Është i sëmurë me çrregullim bipolar, ka epikrizë, mjekohet prej 5 vjetësh. Nuk e dija ku ishte. Në mëngjes e lashë të qetë, i thashë rri në shtëpi, sikur ta parandieja. Ka qenë 2 herë në urgjencë në psikiatri, 1 herë e kam çuar me polici se ka qenë keq”, tregoi nëna e 31-vjeçarit.

Ajo tregoi se djali i saj mjekohet me medikamentin Tegretol dhe ndiqet nga mjeku Sadik Lala.

Tegretoli, është një antikonvulsant që ndonjëherë përshkruhet si stabilizues i humorit në çrregullimet bipolare. Përveç konfiskimeve dhe çrregullimeve bipolare, është gjithashtu e përshkruar për lehtësimin e dhimbjeve në nevralgjinë trigeminore./Euronews

Lajmet e fundit nga