web counter
LEXO PA REKLAMA!

SHKARKO APP

App Store
Google Play

Berisha-mediave të huaja/ Investigoni krimet e Ramës, do të gjeni gjëra tronditëse

6 Dhjetor 2022, 14:33, Aktualitet CNA
Berisha-mediave të huaja/ Investigoni krimet e Ramës, do të gjeni
Kreu i PD-së, Sali Berisha

Kreu i PD-së, Sali Berisha, u ka bërë thirrje mediave të huaja të investigojnë krimet e kryeministrit Edi Rama.

Lideri i opozitës ka deklaruar se Edi Rama dhe qeveria e tij përdorin të gjitha format e korrupsionit: politik, monetar, erotik, për të blerë mbështetje kundër kundërshtarëve të tij.

Berisha garanton se do të gjejnë gjëra tronditëse për kryeministrin.

“Të nderuar gazetarë të medieve të huaja, korrupsioni shqiptar është sa kombëtar, aq edhe ndërkomëbtar.

Edi Rama dhe qeveria e tij përdor të gjitha format e korrupsionit: politik, monetar, erotik, për të blerë mbështetje kundër kundërshtarëve të tij.

Ai është kryeministri i vetëm që e përdor korrupsionin për të lobuar kundër atyre që e denoncojnë korrupsionin e tij.

Në Shqipëri, në katër anët e saj, thonë se po takove Ramën, duhet të kontrollosh xhepat, se ai të ka marrë ndonjë gjë.

Ai, ashtu siç blen votat, blen deputetë, siç bleu edhe kreun e opozitës. Ai blen deklarata ambasadorësh kundër kundërshtarëve të tij, vetëm e vetëm për të çimentuar monizmin e tij.

Medieve europiane dhe atyre amerikane u them investigojeni atë që po ndodh në Shqipëri, investigojeni Edi Ramën. Një reporter gjerman zbuloi se Edi Rama vepron si grup mafioz.

Ju garantoj që do gjeni gjëra tronditëse.

Sot në Shqipëri ka ambasadorë që në shkelje të plotë të Konventës së Vjenës, bejnë gjithçka kundër opozitës, për emërimin e kreut të saj, duke akuzuar pa asnjë fakt apo dokument, liderin e shkelur me votën e lirë. Ndërkohë ulen krah për krah me vjedhësit e votës së lirë.

Opozita shqiptare përballet me lotimin korruptiv të George Soros. Por ne qëndrojmë dhe do qëndrojmë të pavarur në mbrojtje të vlerave që përfaqësojmë.

Mafia shqiptare dhe ajo ndërkombëtare nuk do na mposhtin kurrë.

Ndaj ftoj mediat që të hetojnë se jo vetëm do të zbardhin krime të denja për çmimet Pulitzer, por do ndihmojnë një popull që vuan.

Qyetarëve europianë u them se nuk është varfëria shkaku i këtij eksodi, por vjedhja që u bëhet atyre”, është shprehur Berisha./ CNA.al





Lajmet e fundit nga